Sllovenët iu marrin romëve primatin e grumbullimit të mbeturinave!
Artikujt tjerė
- Sllovenët iu marrin romëve primatin e grumbullimit të mbeturinave!
- Shtatëmbëdhjetë gratë drejtuese në botë
- Gjykatësi fle, zgjohet dhe dënon të akuzuarin (video)
- Restoranti i parë “Barbie” hapet në Tajvan
- Dhjetë miliarderët më të pasur, pa shkollë të lartë
- Në Pekin filloi shitja në kavanoza e ajrit të pastër
- Kënaqësia e pjesëmarrjes në "Garën e ferrit" s’ka fund
- Vetura që kushton 3.5 milionë dollarë
- Polonishtja, gjuha e dytë më popullore në Britani
- Shumica e buzëkuqve bëhen nga brumbujt e shtypur
Lubjanë, 1 shkurt – Gjithnjë e më shumë njerëz në Slloveni buxhetet e tyre familjare i përmirësojnë me shitjen e mbeturinave të grumbulluara për reciklim, kështu që kompania më e madhe e licencuar për grumbullim gjatë vitit 2012 iu ka lëshuar rreth 30 000 vërtetime personave fizikë për të paraqitur tatimin në të ardhura, shkruan gazeta e Lubjanës Dnevnik.
“Dikur vlente që bakrin ta sjellin vetëm romët, por nga kjo ka mbetur vetëm miti”, i tha kësaj gazete Gregor Türk, përfaqësuesi i kompanisë “Dinos”, e cila merret me grumbullimin e mbeturinave për riciklim dhe e cila nëpër Slloveni ka 21 depo grumbulluese.
Türk është i ngarkuar për mbeturina të metaleve, por ai thotë se trendi “të gjithë sjellin gjithçka”, nga letra e plastika deri te metalet, po zgjat tash e sa vite, andaj mbeturinat metalike nuk janë më çështje ekskluzive e romëve, siç ka qenë në të kaluarën.
Mirëpo, ai pohon që sektori i grumbullimit të mbeturinave për riciklim në SSloveni nuk është rregulluar si duhet. Për këtë arsye, grumbulluesit individualë të cilët jetojnë afër kufirit me Austrinë dhe Hungarinë, mbeturinat e mbledhura i dërgojnë tek blerësit e atjeshëm, madje edhe për çmim më të lirë, sepse në atë mënyrë shmangin tatimin e të ardhurave.
Kjo ish-republikë e ish-Jugosllavisë, u pavarësua në vitin 1991 dhe tash e sa vite është anëtare e Bashkimit Evropian. Standardi i jetesës dhe rrogat në këtë shtet janë më të larta se në të gjitha ish shtetet e bllokut socialist që tashti janë anëtare të BE-së dhe afër mesatares së vendeve të zhvilluara të Unionit Evropian.
