Vushtrria bëhet me shoqatë artistësh
Artikujt tjerė
- Vushtrria bëhet me shoqatë artistësh
- “Flex Ensemble” nga Gjermania interpreton premierë veprën kosovare
- Gjashtë ditë lojë e mësim në “Play for all”
- Artefaktet e gjetura në Gjermani kthehen në Kosovë brenda vitit
- Filmi “flet” shqip në Itali
- Dhjetë rock bende garojnë në “Rock për rock”
- Vushtrria bëhet me shoqatë artistësh
- Kalendari historik, 29 maj 2012
- Artistja shqiptare ekspozon në “JM Gallery” të Vjenës
- Festivali i komuniteteve RAE mbyllet me dy dokumentarë
Vushtrri, 29 maj - Nxënës dhe të rinj vushtrrias të talentuar në artin figurativ dhe në vlerat që prodhon ai kanë themeluar shoqatën e tyre. Atë kanë vendosur ta quajnë “Shemsedin Smakolli”, në nderim të profesorit të ndjerë të artit.
Në takimin e tyre të parë ata kanë zgjedhur organet e shoqatës, kryesinë me kryetare Egzona Pllana, nënkryetar Petrit Avdiu dhe sekretar Florina Pllana. Me këtë rast drejtuesit e kësaj shoqate deklaruan se Komuna e Vushtrrisë ka pasur nevojë për një shoqatë të tillë e cila bashkon artistët e rinj.
“Bashkë dhe të organizuar mund të arrijmë shumë në prezantimin e punimeve tona, si në nivelin lokal ashtu edhe më gjerë”, ka thënë kryetarja e kësaj shoqate, Egzona Pllana. Ajo ka prezantuar edhe projektet e tyre të para ideore të organizimeve të ekspozitave me punimet e tyre, të cilat mendohet se paraqesin vlera krijuese mbi konceptin pozitiv të imagjinatës së të rinjve vushtrrias. Pllana gjithashtu shpreson se gjatë aktiviteteve të shoqatës të kenë mbështetjen e institucioneve komunale e po ashtu edhe të donatorëve të mundshëm. Anëtarët e kësaj shoqate thanë se u bëjnë thirrje gjithë të rinjve artdashës vushtrrias t’i bashkëngjitën kësaj shoqate për ta dhënë kontributin e tyre në artin figurativ.
Ndryshe, në krijimin e kësaj shoqate ka ndihmuar edhe arsimtari i artit figurativ, Enver Dubovci.
