Thaçi kërcënon ministrat

Prishtinë, 18 gusht – Kryeministri Hashim Thaçi, të premten, i ka lavdëruar dhe kërcënuar anëtarët e kabinetit qeveritar, në një mbledhje të ekzekutivit, ku ka folur për përmbylljen e mbikëqyrjes së pavarësisë së vendit dhe për procesin e integrimit të shtetit në Bashkimin Evropian. I ka paralajmëruar se do të jetë i pakompromis për ata që bëhen shkaktarë ngecjesh.

“Unë do të jem i pakompromis me këdo që do të sfidojë këtë proces. Suksesi ynë i përbashkët dhe i secilit veç e veç varet nga përafrimi ynë me BE-në”, ka thënë Thaçi, për të shtuar se “nuk do të pranohet asnjë justifikim për ngecje nga ana ime”.

Këtë vjeshtë BE-ja do të publikojë Studimin e Fizibilitetit për gatishmërinë e Kosovës të negociojë Marrëveshjen e Stabilizim Asociimit me BE-në. Brukseli ka ftuar autoritetet kosovare që të shtyjnë përpara reformat në pesë fushat kryesore: tregti, reforma zgjedhore, reformë të administratës publike, sundim të ligjit dhe integrim të komuniteteve. Avancimi i mjaftueshëm në këto fusha do t’i hapte rrugë fillimit të Marrëveshjes për Stabilizim dhe Asociim, që është parakusht para se Kosova të kërkojë statusin e vendit kandidat për anëtarësim.

Një burim i gazetës ka thënë që secila mangësi që do të evidencohet në Studimin e Fizibilitetit do të jetë e kushtueshme për ministrat.

Këtë shkrim mund ta lexoni të plotë në numrin e sotëm të Kohës Ditore.  

Komente (13)Shpërndaje artikullin

• 11:11Paraqitja e arbitrave në festat e klubeve, normale për FBK-në
• 11:04Trazira të reja në paralagjen e Stokholmit
• 10:57Maoistët në Indi vranë 17 veta
• 10:48Sadriu: Vrasja e djalit tim ishte e porositur
• 10:35Berisha kërkon seancë të jashtëzakonshme të Kuvendit për tre ligjet
• 10:27Rikthehet Khaled Hosseini...
• 10:14Besa kërkon të mbrojë titullin, Prishtina ta kthejë pas katër vjetësh
• 10:08Në Kizhnicë e Gjilan luhet për t'i ikur barazhit
• 09:58Barcelona po insiston për Adnan Januzajn
• 09:54Në shitje 500 ishuj privatë nëpër gjithë botën