Ngjarje prej leshi

Heset Maliqi -Quza

Artikujt tjerë

• 23 qershori: Heroik apo erotik?
• Rrugëtimi nëpër mjegull i shqiptarëve në Malësi
• Normalitet apo ekstremizëm paszgjedhor në Shqipëri
• Pse të paguajmë më shumë?
• Problemi me GDP-në e shteteve të varfra
• Funksioni? Analfabet me diplomë!
• Vizioni dhe fantazia
• Rruga e Arbrit duhet të përfundohet
• Jeta kundrejt përfitimeve
• Drejtësia si themel i pasurisë së shtetit shqiptar

Një gjë po del e sigurt, po qe se nuk je hunlesh nuk ke shans me u ba as president dhe as deputet, sepse pa lesh nuk ke ofertë për qytetarët

Fakti që presidentja e Kosovës shkon te parukierja (tash e tutje: frizerka) tregon se sa aksidentalisht zonja Jahjaga është në pozitën e Presidentes. Në një vend normal ‘’frizerka’’ shkon tek presidentja, por ja që te ne presidentja shkon për ‘’lesh-ra’’.

Është shumë interesant se ngjarjet që ndodhën javën e kaluar e kanë të përbashkët leshin, për të mos thënë janë të leshura, disi leshatuke.



Rikonstruktim i ‘’ngjarjes” te frizerka



Përderisa presidentja rregullonte flokët (Lexo: Leshin), truprojat e saj e bën LESH një qytetar të gjorë, vetëm pse pati guximin e fishkëlleu me makinë. Truprojat e presidentes e kishin zënë rrugën me makina, sepse presidentja po i rregullonte flokët për të mirën e Kosovës, dhe ky far ‘kapadaia’ pa respekt i ra borisë, dhe nga trishtimi i fishkëllimës, flokët presidentes iu ngritën përpjetë. Që nga ai moment gjithçka u prish, flokët u rebeluan dhe nuk donin ta dëgjonin më frizeren. Edhe Presidentja ishte prishur në fytyrë dhe dukej si me e pas marrë lajmin që mandati i saj nuk është i plotë. Gjithçka ishte e kotë tashmë, leshrat nuk donin të dëgjonin askënd. Dhe në nervozë e sipër truprojat e shqetësuara dolën dhe e nxorën dufin në qytetarin ‘kapadai’. Ka shumë të atillë që e kanë kritikuar Presidenten për rrahjen e qytetarit, por ata që kritikojnë janë injorantë, që nuk e kanë as më të voglën ide se çka do të thotë me t’u ç’u leshrat përpjetë. Ata nuk fiqirojnë se si Presidentja do të kërkoj nga qytetarët t’i binden asaj, kur nuk i binden as flokët e saj. Tekefundit, truprojat e kanë kryer një veprim SHTETFORMUES, po ku e dinë kritikuesit e “vegjël” se si formohet shteti,bre! Tekefundit, po këta kritikues kanë thënë që “Presidenten nuk po ‘shishat’, kërkush”…



Aman kush kënd e bani lesh, se lesh e keni ba



Ngjarja tjetër prej leshi ishte ajo, kur lajmi mori dhenë që deputetët lesh u bënë ndër vete. Më vonë lëmshi i leshit filloi te zbërthehej, njeri nga deputetët e PDK-së i ka thënë deputetit të VV-së, ’’mshele gojën se lesh të baj’’, ndërsa deputeti i “Vetëvendosjes” ia paska kthyer “mos m’u drejto ti mua ashtu, se asnjë qime floku në kokë nuk ta la”. Pastaj nuk dihet mirë se ç’ka ka ndodhur, por sipas disa pamjeve, të dy palët kishin la lesh . Para gazetarëve të dyja palët dolën dhe u krekosën se ne jemi fituesit, se e “kemi ba lesh palën tjetër”. Fituesit e leshit!

Po të kishte ndodhur kjo ngjarje në oborrin e shkollës, veprimet e drejtorit të shkollës kishin me qen si vijon; drejtori (në këtë rast Jakupi) i kishte thirrur kujdestarët e klasës (në këtë rast A.Grabovcin dhe V.Ymerin) dhe i kishte urdhëruar që problematikeve t’ju thyhet nota e sjelljes, dhe me të mos lejohen të hyjnë në shkollë (lexo Kuvend) pa prindër (në këtë rast pa H.Thaçin dhe A.Kurtin), si dhe t’ju eliminohej të dyja palëve arsyeja e konfliktit (në këtë rast LESHI). Por ja që fatkeqësisht nuk kemi të bëjmë me fëmijë të shkollës fillore, por me burra të popullit, të cilët votohen prej këtij populli “TULLAC”.

Një gjë po del e sigurt, po nuk je hundlesh nuk ke shans me u ba as president dhe as deputet, sepse pa lesh nuk ke ofertë për qytetarët.

Komente (5)Shpërndaje artikullin

• 22:33Peja mposht Sigalin, afër shpalljes kampion
• 22:27Rikthehen incidentet ndëretnike, rrihen dy shqiptarë
• 22:22Miradi e Epërme, kontest për pronën komunale
• 22:15Pse shembet dheu në autostradë në Suharekë?
• 22:09Paraburgosen dhe suspendohen dy policë të Gjakovës
• 21:56Ç’aktivizohet bomba e kurdisur në Beograd, cak Westerwelle?
• 21:43Swaziland, ikë nga martesa me mbretin, kërkon azil në Britani
• 21:20Daçiq: Serbia feston humbjet, Shqipëria e Kosova në BE
• 21:11Në një aksident te Vushtrria, 11 të lënduar
• 21:03Lëngjet me sheqer, fajtor për gurët në veshka