Njeriu pa gjymtyrë që përshkon botën me not
Artikujt tjerė
- Japonezet kanë gjetur preparatin kundër varësisë nga lojërat
- “Jezu Krishti” i Siberisë
- Mbretëresha në një kokërr kafeje
- Mendoni që aterroni në Paris, por jeni 150 km larg
- Martesa e Zuckerbergut i kaloi 1 milion “Like”
- Vazhdon të rritet temperatura e ujit në Mesdhe
- Dinozauri mongol shitet për një milionë dollarë
- Ka 33 vjet, 30 fëmijë e 11 gra
- Sandwichi feston 250-vjetorin
- Supergjyshja Tamae Vatanabe, 73-vjeçare “pushton” Everestin
Një francez që ka humbur të katërta gjymtyrët e tij në një aksident të ndodhur pothuajse dy dekada më parë ka nisur të përmbushë një sfidë të pabesueshme, atë të notimit midis pesë kontinenteve.
Philipe Croizon nisi aventurën e tij ditën e enjte duke notuar nga Papua Guinea e Re në Indonezi, një distancë prej 20 kilometrash, shoqëruar nga notar i distancave të gjata, Arnaud Chassery dhe një vendas që u solidarizua me garën e tyre.
Croizon, i cili përdor protesta plastike, të projektuara në atë mënyrë që të bëjnë më të lehtë notimin, përshkoi distancën në shtatë orë e gjysmë.
Ai humbi të katërta gjymtyrët si rrjedhojë e frakturave të shumëfishta pasi ra nga çatia e banesës së tij, ku ishte ngjitur për të rregulluar antetën e televizorit.
Ndërsa po rregullonte antenën, një rrymë elektrine prej 20 mijë voltësh iu shkarkua në trup, duke i pushuar zemrën, por një tjetër rrymë e dytë në rënien nga çatia riktheu zemrën e tij në funksionim.
Në impaktin me tokën ai kishte pësuar djegie të rënda dhe fraktura të panumërta, por arriti që kundër të gjitha gjasave të mbijetonte.
”Ishte shumë shumë e vështirë”, deklaroi i gjymtuari në mbërritje në Indonezi. “Prisja ta përshkruaja distancën në gjashtë orë, por na u desh një orë e gjysmë shtesë, pasi nuk i kisha parashikuar rrymat e fuqishme kundër”, tha Croizon.
Aventura e tij duhet të kishte nisur që në fillim të javës, por u detyrua të qëndronte disa ditë shtesë në Papua, në pritje të marrjes së vizës indoneziane.
Në vitin 2010, ai u shndërruar në njeriun e parë pa gjymtyrë që arrinte të kalonte kanalin 34 kilometra midis Francës dhe Anglisë, diçka që në të gjithë historinë kanë arritur ta realizojnë vetëm 900 persona, shumica e të cilëve notarë të zgjedhur.
Së shpejti, Croizon do të notojë në Gjirin e Akabës në Jordani, në brigjet egjiptiane në qershor, përpara se në korrik të përshkrojë distancën nga Gjibraltari në Marok.
Në gusht, i gjymtuari do të mbyllë turin e tij të pabesueshëm, duke notuar në ngushticën e Beringut, atë që lidh Alaskën me Rusinë.
xhevat krasniqi25.05.2012/23:47
kur egziston vullneti pengesat zhduken