Në QKUK kryhet një operacion i rrallë

Prishtinë, 30 korrik - Në Qendrën Klinike Universitare të Kosovës është kryer një  operacion tejet i rrallë tek pacienti me tumor prej 5 kg, që kishte përfshirë kokën dhe fytyrën e tij, bëri të ditur Zyra për media e QKUK-së përmes një njoftimi. Sipas njoftimit,

Ka përfunduar me sukses operimi ndaj pacientit N. Elshani, rast tejet i rrallë, me tumor 5 kilogramësh, që përveç trurit kishte përfshirë edhe pjesët e tjera të fytyrës.

Operacioni ka zgjatur më shumë se 10 orë dhe  është kryer më 26 korrik të këtij viti

nga ekipi i mjekëve i udhëhequr nga Prof. dr.Arsim Morina, neurokirurg, Dr. Agim Berisha, kirurg plastik, Dr. Agon Meka, Dr. Qamile Morina, anesteziologe, Dr. Imer Sejdiu, instrumentarja Sanije Dervishi dhe tekniket e anestezionit  Alldina Suljmani dhe Sadete Arifi.

Pacienti Elshani kishte tumor  të turit, që kishte përfshirë ashtin dhe lëkurën, duke dalë jashtë lëkurës duke  penguar edhe pjesën e poshtme të fytyrës (siç shihet edhe në fotot para dhe pas operacionit, që i janë dërguar redaksisë sonë)

I njëjti pacient më herët kishte kërkuar ndihmën mjekësore në  Tiranë, Shkup e Beograd, por për shkak të rrezikshmërisë së madhe i ishte thënë se nuk mund të operohet.

Në lidhje me këtë rast Klinika e Neurokirurgjisë nesër do të mbajë një konferencë për media ku do të jepen detaje shtesë rreth këtij rasti.

 

Komente (13)Shpërndaje artikullin

• 12:17Thaçi hoxhallarëve: Do t’ju porosis nga një kryq
• 12:16Kosovarët shpenzojnë në Shqipëri 200 milionë euro
• 12:14Sherr mes dy familjeve shqiptare në Britani, një i vrarë
• 12:08Parlamentarë nga Maqedonia për vizitë dyditëshe në Kosovë
• 12:01Lugina përkujton Komandant Lleshin
• 11:45Ka rifilluar dialogu në Bruksel
• 11:26Profili privat i regjisorit Federico Fellini (video)
• 11:23Andy Murray tërhiqet nga French Open
• 11:22Sekretet e Dortmundit
• 11:16Nëntë vendet e Ballkanit bashkë kundër terrorizmit