Nisin punimet në restaurimin e Kalasë së Gjirokastrës
Artikujt tjerė
- Nisin punimet në restaurimin e Kalasë së Gjirokastrës
- Këshilli për Trashëgimi akuzon Ministrinë dhe Kuvendin për shkelje të ligjit
- Kalendari historik, 24 shkurt
- Teatri Kombëtar pikon
- Mbi 20 botues në “luftë” për 60 mijë euro
- “Transformimi i shumëfishuar” bën art me rroba të vjetra
- Presidentja e Kosovës në Samitin ku marrin pjesë Jolie e Streep
- Shënohet Dita Ndërkombëtare e Gjuhës Amtare
- Projektligji paralizon skenën teatrore të Ferizajt
- Babai enigmatik i pop-artit
Gjirokastër, 24 shkurt - Me ngritjen e temperaturave dhe pak kohë para hapjes së sezonit turistik, ka nisur rehabilitimi i shpatit të Kalasë së Gjirokastrës. Rindërtimi i shëtitores në pjesën muzeale ka hapur punimet për të siguruar një ambient të përshtatshëm historik për vizitorët, raportojnë mediet shqiptare. Prej vitesh, shëtitorja ka qenë e mbuluar nga mbeturinat dhe punimet mbi të rikthejnë pamjen e mëparshme.
Sipas zyrtarëve të Bashkisë së Gjirokastrës, do të bëhen ndërhyrje edhe në pjesë të tjera të këtij monumenti.
“Në këtë pjesë gjendet edhe një prej monumenteve të gdhendura të figurës së Skënderbeut, që do të ndriçohet për të ekspozuar atë”, ka thënë nënkryetari i Gjirokastrës, Vangjel Muço, teksa ka shtuar se ky investim vjen në kuadër të përgatitjeve për pritjen e vizitorëve në këtë monument. Sipas tij, pos rehabilitimit do të realizohet edhe projekti për pastrimet dhe gjelbërimet e kësaj zone. Kalaja e Gjirokastrës si histori e lidhur me qytetin e Gjirokastrës përmendet për herë të parë si qytet dhe kështjellë në vitin 1336. Qyteti është përfshirë në Listën e Trashëgimisë Botërore të UNESCO-s më 2005, si një nga pak shembujt e mbijetuar në Ballkan të qyteteve tregtare të stilit otoman.
