“Buzëqeshje miqsh”, ose rrëfimet e atyre që shënuan epokën
Artikujt tjerė
- “Buzëqeshje miqsh”, ose rrëfimet e atyre që shënuan epokën
- PEN Qendra e Kosovës shënon përvjetorin e PEN-it Ndërkombëtar
- Kosovarët të interesuar për gjuhën dhe kulturën frënge
- Skena e “Odës” në pritje të “Bonzes”
- Sot ekspozita me rrëfime rrëqethëse “Bogujevci II”
- Kostas Valetas, laureat i çmimit që s’ekziston më
- Sonte baleti “Zjarr miqësor”
- Çmimi i sivjetshëm “Fahredin Gunga” grekut Kostas Valetas
- Kosova e Bullgaria me marrëveshje bashkëpunimi në bibliotekari
- Dritëro Agolli sot mbushi 80 vjet, Basha vizitoi shkrimtarin
Prishtinë, 14 tetor – “Buzëqeshje miqsh” është libri më i ri i njërit nga autorët më produktivë të brezit të mesëm të shkrimtarëve të Kosovës, Ibrahim Kadriut, që u promovua mbrëmë. Intervistat jo konvencionale, të cilat rrëfejnë më shumë anët e panjohura, ndonjëherë edhe “të ndaluara” të njëzet e një protagonistëve të bashkëbisedimit, e bëjnë këtë libër të pazakonshëm si zhanër në publicistikën tonë. Ata janë personalitete të pakapërcyeshme të historisë së kulturës sonë mbarëkombëtare, duke filluar me Esat Mekulin, babain e letërsisë shqipe në Kosovë, që shoqërohet nga Dritëro Agolli, Bekim Fehmiu, Odhise Paskali, Ramiz Kelmendi, Agim Çavdërbasha, Anton Pashku, Mirko Gashi, Azem Shkreli, Adem Kastrati dhe shumë figura të tjera emblematike, rrëfimet e të cilëve përbëjnë burim për t’i njohur ata dhe kohën që e jetuan.
Në një ambient e atmosferë po ashtu të pazakonshme për këso festash të librit, në “Monsion”, në paralagje të Prishtinës, folësit Xhevat Syla, Vehap Shita, Mahmut Hysa e Ardian Haxha e cilësuan këtë libër të Ibrahim Kadriut, autorit të rreth pesëdhjetë veprave, si një pasuri që do t’iu hyjë në punë, pos gazetarëve për model të të shkruarit, edhe studiuesve të fushave të letërsisë e të artit tonë si dhe të biografëve.
