Kosova, storie e veçantë në Bienalen e Venecias
Artikujt tjerė
- Kosova, storie e veçantë në Bienalen e Venecias
- Përcillet mes duartrokitjesh mjeshtri i madh i skenës
- Prishtina i bashkohet botës në leximin me zë
- “Artistët e së nesërmes” thërret për të 11-n herë
- “Mbas zonjushës Julie” rikthehet më 22 mars
- “Iliada” është shkruar në vitin 762 para erës sonë
- Roland Trebicka, babai i komedisë shqiptare
- Gara për shtatoren e Rugovës “ndërkombëtarizohet” me konkurs anglisht
- Kalendari historik, 7 mars
- Kadare, për së dyti kandidat i çmimit The Independent
Prishtinë, 7 mars - Ministri i Kulturës, Rinisë dhe Sportit, Memli Krasniqi ka pritur sot artistin Petrit Halilaj, i cili do ta përfaqësojë Kosovën në Bienalen e Ekspozitës Ndërkombëtare të Artit Bashkëkohor në Venecia, si dhe komisionarin e Pavijonit të Kosovës, drejtorin e Galerisë Kombëtare të Kosovës, Erzen Shkololli. Krasniqi i ka përgëzuar ata për punën që kanë bërë deri tash për përfaqësim sa më të mirë të vendit tonë. Ai ka vlerësuar lartë suksesin dhe punën e Halilajt, por edhe të kuratores Kathrin Rhomberg, duke thënë se me këtë Kosova ka dëshmuar se vërtetë është një vend që kultivon vlera të mirëfillta të artit. Vetë fokusi i shumë mediave dhe personaliteteve ndërkombëtare për artistin Halilaj dhe pjesëmarrjen e Kosovës në bienale dëshmon se ne tashmë jemi një storie e veçantë e gjithë ekspozitës, ka thënë ministri, njofton Zyra për komunikim me publikun e MKRS-së.
“Është shumë thelbësore që tashmë në këto vjet ne kemi krijuar traditën që Kosova të jetë e pranishme në ngjarjet me të rëndësishme të kulturës në botë, dhe s’ka dyshim se kjo duhet të ruhet edhe në vitet e ardhshme. Ministri ka ofruar përkrahjen e plotë të MKRS-së për gjithë ekipin e Kosovës në këtë bienale.
Petrit Halilaj dhe Erzen Shkololli e kanë falënderuar ministrin për iniciativën dhe gjithë mbështetjen e dhënë, në mënyrë që Kosova të ketë një prezantim sa më dinjitoz. Ata kanë njoftuar ministrin me përgatitjet që po bëjnë për bienale, duke vlerësuar se është bërë një punë e mirë.
Halilaj tha se është ndjerë i nderuar që do ta përfaqësojë Kosovën në ngjarjen më të rëndësishme të artit bashkëkohor në vend, dhe shtoi se gjithë detyrën e ka marrë më shumë përgjegjësi.
Bienalja e njohur fillon më 1 qershor dhe përfundon më 24 nëntor.
