Sot përurohen “Kujtimet...” Mark Krasniqit
Artikujt tjerė
- Gjetja sensacionale e arkeologëve britanikë
- Sot përurohen “Kujtimet...” Mark Krasniqit
- Muzeu i shekullit XXI duhet të komercializohet
- Zjarri në BKUK nuk preku librat
- Kryeakademiku i Kosovës kërkon rishqyrtim të historisë shqiptare
- Haxhiu: Historia e klasës së pestë, përrallë e shkruar keq
- Kalendari historik, 14 shtator
- Promovohet diversiteti kulturor në Kosovë
- Kontribut ndriçimit të historisë shekullore
- MKRS dhe KE-ja bashkë në mbrojtjen e trashëgimisë
Prishtinë, 14 shtator - Në Bibliotekën Kombëtare të Kosovës sot në orën 14.00 përurohet libri i Mark Krasniqi “Kujtime e përjetime - shënime biografike”. Akademik Mark Krasniqi ka përmbledhur gjithë kujtimet dhe përjetimet e tij gati njëshekullore në një vëllim të veçantë.
Në këtë vëllim prej më shumë se 500 faqesh akademik Mark Krasniqi ka hedhur në letër gjithë përjetimet dhe shënimet biografike të jetës së tij, duke rikujtuar fëmijërinë e tij, shkollimin, studimet, veprimtarinë shkencore e akademike, punën pedagogjike me studentë, përballjet me pushtetin e egër komunist e policor, angazhimin e tij në jetën politike të Kosovës së paraluftës e të pasluftës, si dhe takimet me miqtë e tij të hershëm e të rinj deri në ditët e sotme.
Libri ka një rrëfim që kapërcen kufijtë e një rrëfimi personal. Kjo biografi e jetës dhe e veprës së akademik të Mark Krasniqit është një biografi e popullit shqiptar të Kosovës, e përballjes së autorit të veprës dhe e popullit të tij me sfidat më të mëdha të luftës për liri, për demokraci e për pavarësi të vendit.
Me këtë rast do të flasin: publicisti Vehap Shita, historiani Jusuf Buxhovi dhe studiuesi Anton Berisha.
