Ish-drejtori i “Shotës” akuzon këshilltarin e ministrit për “komplot politik”

Prishtinë, 9 gusht – Dilaver Kryeziu ende e zë veten si të suspenduar nga posti i drejtorit të ansamblit të valleve dhe këngëve “Shota”. Shpreson për një rikthim në atë post, pasi në maj të këtij viti u shkarkua me arsyetimin se në mënyrë të jashtëligjshme kishte vendosur kamerat në ambientet e brendshme të sallave në objektin e institucionit që e drejtonte. Në mars një grup solistësh e valltarësh e kishte denoncuar atë në polici, pasi që, sipas tyre, kamera ka pasur edhe në zhveshtoret e objektit. Për këtë është hapur edhe një rast në Gjykatën për Kundërvajtje. Por për Kryeziun, krejt kjo dramë nuk ka përfunduar ende. Pasi kishte marrë vendimin nga Komisioni Disiplinor i Ministrisë së Kulturës, e më pas përgjigje negative nga një komision për ankesa në MKRS, Kryeziu i ishte drejtuar edhe Këshillit të Pavarur Mbikëqyrës për Shërbimin Civil të Kosovës. Ky këshill në ditën e fundit të korrikut ka shpallur veten jokompetent për të marrë vendim në lidhje me të. E pas kësaj, Ministria e Kulturës, parasheh muajin gusht si kohën brenda së cilës do të hapet konkursi i ri për postin e të parit të “Shotës”, post të cilin përkohësisht e ushtron Ismet Bogujevci. Shasivar Haxhijaj, këshilltar i ministrit të Kulturës, ka thënë se shpejt pritet të hapet konkursi për pozitën të cilën e ka pasur Kryeziu.

“Kemi pritur përfundimin e të gjitha procedurave dhe tashti pritet të shpallet konkursi i ri”, ka thënë Haxhijaj. Pikërisht Haxhijaj, për Kryeziun është personi kryesor që i ka shkaktuar atij këtë skandal. Kësisoj, Haxhijaj nga një bashkëpunëtor i Kryeziut – të dytë bashkë kanë qenë në Kore ku “Shota” në një festival atje ka zënë vendin e tretë – është shndërruar në një person që siç thotë Kryeziu “po punon kundër tij”. Sipas Kryeziut, Haxhijaj është personi kryesor që, siç thotë ai, “ka orkestruar gjithë skandalin e kamerave”. Kryeziu e ka quajtur Haxhijajn person i cili ka bërë komplot politik ndaj tij.

“Ai Haxhijaj në ministri është ministër, sekretar, drejtor, gjithçka. Ai vendos për ligje, ai vendos për shkarkime e për emërime. Madje edhe emëron komisione disiplinore”, ka bindjen Kryeziu. Tutje, Haxhijaj, për ish-drejtorin e “Shotës” ka vepruar kundër tij, vetëm duke u bazuar në deklarime politike.

“Ai e di që jam një Rugovist dhe se e kam pranuar gjithkund nëpër deklarimet e mia se e kam idhull Ibrahim Rugovën. Në Ministri nuk e durojnë këtë fakt”, ka thënë Kryeziu. Ai ka përmendur edhe skandalin, kur ministri i Kulturës, Memli Krasniqi, me të ardhur në krye të detyrës, kishte hequr fotografitë e presidentit të ndjerë Ibrahim Rugova dhe të nobelistes së paqes Nënës Terezë. Kësisoj, Kryeziu ka akuzuar edhe ministrin Krasniqi (gjerësisht në “Kohën Ditore”).

 

Komente (2)Shpërndaje artikullin

• 13:30
• 13:22Sonte në Rubikon: Çka po ndodhë me Trepçën?
• 12:21Menaxhmenti i AKP-së me mandat të dyshimtë
• 12:18 Sllovaki: Evitohet vjedhja rekorde në bankë
• 12:15Muzikë: Në moshën 74 vjeçare vdiq Ray Manzarek
• 12:13 Rooney bëhet baba
• 12:02Goditet nga vetura, vdes 50 vjeçari
• 11:49Japonia mbetet e përkushtuar për të ndihmuar Kosovën
• 11:39Serbët e veriut nuk e duan Marrëveshjen
• 11:35Projekt pilot për një burg privat në Shqipëri