Dokumentuesja e trashëgimisë
Artikujt tjerė
- Dokumentuesja e trashëgimisë
- Kadare: Podrimja, një nga poetët shqiptarë më të njohur
- Alfred Mirashi rrëmben çmimin e artë për pikturë
- Kalendari historik, 4 gusht
- Alain Delonit, çmimi për vepër jetësore
- Ali Podrimja, në javën e parë të Pavdekësisë
- Zbulohet në Turqi një tempull rreth 2.300-vjeçar
- Muzikantët kërkojnë gjykim të drejtë për artistet ruse
- “Art Kontakt” e shndërron zonën ushtarake në arenë arti
- Rreth 300 “karikatura kombëtare” ekspozohen në Pejë
Prishtinë, 5 gusht – Fytyra e saj i ka sfiduar vitet pasi në të nuk shihen gjurmët e plakjes. Ngjashëm, në rrëfimin e jetës së saj, nuk ka gjurmë vetëlavdërimi. Modestia është mjeti me të cilën dizajnon rrëfimin për karrierën e suksesshme. Autore e 25 ekspozitave personale e pjesëmarrëse në më shumë se 40 ekspozita kolektive, fotografja me prejardhje shqiptare që jeton në Londër, së fundi ka vizituar Kosovën. “Mes akteve” titullohet ekspozita që e ka sjellë në Kosovë, në kuadër të “Ditët e diasporës 2012”. Fotografitë e saj janë ekspozuar në Parkun Arkeologjik të Prishtinës. Në një bisedë për “Kohën Ditore”, Lala Meredith – Vula, ka folur për “bashkëjetesën” e saj me artin, ndërlidhjen e saj me trashëgiminë dhe identitetin shqiptar, sikurse edhe për ambiciet e së ardhmes.
Jeta e shqiptarëve nëpër vite, djemtë e vajzat e reja me veshje kombëtare, bujqit, mullarët e sanës janë “objekte” të fotografive të saj. Ani pse është shpërngulur në kryeqytetin anglez që në moshën katërvjeçare, Meredith – Vula, nuk i është ndarë traditës.
“Nuk jam psikologe, por mendoj që një profesionist i psikologjisë do të thoshte se unë kam pasur gjithmonë nostalgji e mall dhe kam jetuar një jetë jonormale larg vendlindjes. Për këtë, puna ime merret me traditën, identitetin”, ka shpjeguar ajo.
Për këtë ajo ndihet e lumtur që ka ekspozuar në Parkun Arkeologjik. “Është kënaqësi e madhe kur vepra ime shfaqet në Kosovë dhe kur dëgjoj përshtypjen e njerëzve për artin tim”, ka thënë ajo. Në katalogun e ciklit “Mes akteve” që ka prezantuar në Kosovë, parathënien e shpjegimin për punën e saj e ka shkruar shkrimtari i njohur britanik, Ian Jeffrey.
(Gjerësisht sot në Koha Ditore)
