Parandalohet kontrabanda me derivate të naftës

Mitrovicë, 17 maj   - Njësitë e Trafikut Rajonal të Policisë në Mitrovicë identifikojnë dhe parandalojnë një sasi të derivateve të kontrabanduara. Dje rreth orës 17:00, policia e trafikut rrugor, ka identifikuar një automjet të dyshuar të tipit "Volkswagen kombi", me targa vendore, i cili po qarkullonte në rrugën lokale të fshatit Lubovec - Skenderaj. Me atë rast janë identifikuar sasi të derivateve të naftës të mbushura në bidonë të plastikës. Ngasësi i automjetit, nuk ka ofruar asnjë dokumentacion të duhur për prejardhjen apo transportin e mallrave të ngarkuara. Stacioni Policor në Skenderaj ka kërkuar asistencën e zyrtarëve të doganave të Kosovës për të sekuestruar mallin e dyshuar të kontrabanduar. Automjeti, së bashku me mallin e dyshuar të kontrabanduar, janë deponuar në terminalin doganor të Mitrovicës, për regjistrim të rastit dhe inicim të procedurave hetimore. Gjithsej, 30 bidonë, secila prej tyre me sasi 20 litërshe, të mbushura me derivate të naftës janë regjistruar dhe sekuestruar për procedurë të mëtejme nga zyrtarët e doganave. Janë regjistruar gjithsej rreth 600 litra të derivateve të naftës, të sekuestruara si mall i kontrabanduar. Policia ka regjistruar rastin si vepër penale "kontrabandë me mallra", ndërsa prokurori publik është informuar për të gjitha veprimet e ndërmarra të policisë.

 

Komente (2)Shpërndaje artikullin

• 13:59Të mos pranohet Asociacioni i komunave serbe para zgjedhjeve
• 13:57Situata “shumë e komplikuar, bisedimet vazhdojnë në orën 17.00
• 13:49Vulin mbetet në krye të Zyrës për Kosovën
• 13:45Prokurori kërkon dënimin e “Grupi i Llapit”
• 13:39Komuna e Podujevës - 165 bursa për nxënës dhe studentë
• 13:22Edhe Moska do të bëhet me rrjet biçikletash-taksi
• 13:09Asnjë kolegj s’bëhet universitet
• 12:56Ligji i ri i bën me status të ri punëtorët shëndetësorë
• 12:55Vetëvrasja në katedralen Notre Dame trondit Parisin
• 12:53Bon Jovi: Justin Bieber është idiot