Sonte në KTV mund të ndiqni: *** 17:40 Express *** 18:55 Marketing *** 19:00 LAJMET E MBRËMJES *** 19:40 Sporti në KTV *** 20:05 Rubikon *** 21:15 Serial: “ LALE ” epis. 207 *** 22:20 Cosmo *** 22:55 Marketing *** 23:00 Interaktiv ...

Takim dashurie në garazh, asfiksohet çifti shqiptaro-grek

Artikujt tjerë

Publikuar: 20.02.2012 - 11:05

Ptolemaida, 20 shkurt - Një emigrante shqiptare 55-vjeçare dhe një i moshuar grek u gjetën të asfiksuar në një makinë në Ptolemaida të Greqisë, raporton agjencia e lajmeve NOA.

Dy viktimat mësohet të kenë humbur fillimisht ndjenjat dhe më pas kanë kaluar në gjendje kome.

Policia i gjeti trupat e tyre në makinën e 79-vjeçarit.

Dy të moshuarit kishin lënë takim dashurie në garazhin e shtëpisë së 79-vjeçarit, ku dhe ndodhej e parkuar makina e tij.

Për shkak të temperaturave të ulëta ata lanë të ndezur makinën duke i mbyllur të gjitha dyert e saj, madje dhe derën qendrore të garazhit.

Ata u gjetën disa orë më vonë nga familjarët, të cilët kishin denoncuar në polici humbjen e tyre.

55-vjeçarja shqiptare dhe i moshuari grek u gjetën të pajetë në makinë, ndërsa policia përjashtoi pistën e një vrasje të qëllimshme.

Sipas saj vdekja e tyre ka ardhur si pasojë e asfiksisë nga gazrat e makinës.

Ngjarja ka tronditur qytetin e vogël të Ptolemaidës, pasi si 55-vjeçarja shqiptare ashtu dhe 79-vjeçari grek gëzonin respektin e miqve dhe të afërmve.