Policia e kërkon Sekiraqën në Prishtinë

Prishtinë, 17 shtator - Për kapjen e Enver Sekiraqës është formuar një Task-Forcë Speciale në kuadër të Policisë së Kosovës. Burime të Expressit brenda policisë thonë se e dinë që ai ndodhet në Kosovë. Sipas tyre, Sekiraqa është i gatshëm të dorëzohet, por vetëm në duart e EULEX’it.

Ka kohë që i shumëkërkuari Enver Sekiraqa ndodhet në Kosovë.

Ai është parë tek sillet i lirë nëpër shumë vende të frekuentuara në Prishtinë dhe jashtë saj.

Këtë e di edhe Policia e Kosovës, prandaj ata kanë nisur një operacion të madh për kapjen e tij, por deri më tash pa sukses.

Burime të gazetës Express brenda policisë thonë se tashmë është formuar një Task-Forcë Speciale për kapjen e tij.

“Task-Forca është formuar në kuadër të Njësisë Speciale të Policisë së Kosovës. Ajo do të merret ekskluzivisht me kapjen e Sekiraqës”, ka thënë ky burim i gazetës në kushte anonimiteti.

Formimi i kësaj Task-Force të veçantë, sipas të njëjtit burim, ka ndodhur pavarësisht faktit se Sekiraqa ka kohë që është shprehur i gatshëm të vetëdorëzohet.

“Ai është i gatshëm të dorëzohet, por me një kusht - jo në duart e Policisë së Kosovës, por vetëm të EULEX’it. Nuk po ka guxim të dorëzohet në polici, sepse po frikësohet se e vrasin”, sqaron burimi sipas të cilit është kjo arsyeja kryesore që ai tashmë ndodhet në Kosovë.

Komente (12)Shpërndaje artikullin

• 12:21Menaxhmenti i AKP-së me mandat të dyshimtë
• 12:18 Sllovaki: Evitohet vjedhja rekorde në bankë
• 12:15Muzikë: Në moshën 74 vjeçare vdiq Ray Manzarek
• 12:13 Rooney bëhet baba
• 12:02Goditet nga vetura, vdes 50 vjeçari
• 11:49Japonia mbetet e përkushtuar për të ndihmuar Kosovën
• 11:46Sot dëshmitari “M” në rastin “Kleçka”
• 11:39Serbët e veriut nuk e duan Marrëveshjen
• 11:35Projekt pilot për një burg privat në Shqipëri
• 11:32Ema Andrea kujton si e njohu Bekim Fehmiun