Ia vjedhin pyllin dhe e rrahin deri në alivanosje 71 vjeçarin

Suharekë, 25 maj - B. Bujari(1941) nga fshati Duhël i Suharekës është sulmuar dhe është rrahur keq nga 3 persona të cilët po e vidhnin pyllin e tij, ka njoftuar të premten Zyra e Informimit nga Policia e Kosovës në Rajonin e Prizrenit. Policia e Suharekës gjatë shikimit të vendit të ngjarjes i ka gjetur aty 2 dhëmbë të mbetur të plakut të thyer gjatë rrahjes nga të dyshuarit. Sipas njoftimeve i moshuari derisa po ruante bagëtinë në afërsi të fshatit, kishte dëgjuar se dikush po priste dru me sëpatë në pyllin e tij dhe ishe afruar të shihte se ç’po ndodhte. Aty ai i kishte takuar 3 persona që po vidhnin dru dhe pasi ai ishte ankuar dhe kishte filluar t’i shkruaj në një gurë targat e “Furgonit”, pronë e të dyshuarëve, ata e kanë sulmuar plakun me sëpatë duke i shkaktuar lëndime të rënda trupore e më pas kanë ikur në drejtim të panjohur.

Plaku, sipas njoftimeve të policisë, kishte mbetur i alivanosur në vendin e ngjarjes dhe vetëm më vonë i është kthyer vetëdija dhe ka arritur që të zvarritet deri në breg të rrugës ku është parë nga kalimtarë të rastit të cilët e kanë dërguar në Shtëpinë e Shëndetit në Suharekë, prej nga është transferuar në Spitalin Rajonal në Prizren. Sipas informacionit policor mjekët nga spitali, kanë raportuar se viktima ka pësuar lëndime të rënda trupore dhe është ndalur për trajtim mjekësor. Polica është në proces të hetimit të rastit.

 

Komente (4)Shpërndaje artikullin

• 22:33Peja mposht Sigalin, afër shpalljes kampion
• 22:27Rikthehen incidentet ndëretnike, rrihen dy shqiptarë
• 22:22Miradi e Epërme, kontest për pronën komunale
• 22:15Pse shembet dheu në autostradë në Suharekë?
• 22:09Paraburgosen dhe suspendohen dy policë të Gjakovës
• 21:56Ç’aktivizohet bomba e kurdisur në Beograd, cak Westerwelle?
• 21:43Swaziland, ikë nga martesa me mbretin, kërkon azil në Britani
• 21:20Daçiq: Serbia feston humbjet, Shqipëria e Kosova në BE
• 21:11Në një aksident te Vushtrria, 11 të lënduar
• 21:03Lëngjet me sheqer, fajtor për gurët në veshka