Malisheva e priti me duartrokitje lirimin e Limajt

Malishevë, 22 mars – Në Malishevë me të dëgjuar lajmin për lirimin nga paraburgimi të Fatmir Limajt dhe 9 bashkëluftëtarëve të tij kanë jehuar boritë e automobilave. Një numër qytetarësh më pas në orët e mbrëmjes janë grumbulluar në qendër të qytetit për të shënuar me një manifestim ndjenjën e tyre të gëzimit për lirimin e ish-luftëtarëve, të cilët të gjithë kanë qenë nga lokalitete të ndryshme të Komunës së Malishevës. Kreu i veteranëve të UÇK-së në Degën e Malishevës, Enver Hoti, duke folur në tubim, ka bërë thirrje që ish-ushtarët e UÇK-së të lihen të qetë. “Edhe një herë u dëshmua se ish- luftëtarët e lirisë janë të pafajshëm sa herë të akuzohen për krime, ndërkaq fajtorë mund të shpallen vetëm nëse dikush synon t’i bëjë fajtorë për shkak se e larguan Serbinë nga Kosova”, është shprehur ai. “Vendimi i Gjykatës faktikisht e legjitimon luftën e drejtë dhe të pastër që e ka bërë UÇK-ja”, ka thënë Hoti, i cili rreth orës 19:00 i ka ftuar qytetarët që të shpërndahen në mënyrë të qetë. 

Komente (1)Shpërndaje artikullin

• 22:53Përfundon pa marrëveshje takimi – vazhdimi të mërkurën
• 22:30Kundërshtojnë ndërrimin e trafos (Video)
• 22:28Blog i Tymoshenkos nga burgu
• 22:24Vulin rikthehet drejtor i Zyrës për Kosovën
• 22:21Rusia zihet me Azerbajxhan për votat e Eurovisionit
• 22:19Alzetta: Ekonomia në Kosovë është në gjendje jo të keqe
• 22:16Berisha takon shefen e ODIHR
• 22:14Ashton koleksionon fotografitë e Thaçit dhe Daçiqit
• 22:13Seedorf mund të emërohet trajner i Milanit
• 22:12Mustafa ngushëllon ambasadoren Jacobson