Në xhaminë e Kaçanikut duhet të kthehen rendi e ligji
Artikujt tjerė
- Spitali i Mushkërive tashmë 11 vjet jashtë funksionit
- Caritas Kosova” realizon projektin “Kujdesi shëndetësor shtëpiak” në Gjilan
- Gjilani shpërblen 33 mësimdhënësit më të dalluar të vitit
- Rrënohen “Duplex”, “Platon” dhe “Prime Club”
- Inspektorati kërcënon me gjoba deri në 10 mijë euro prishësit e rendit publik
- Fushatë vetëdijesuese për largimin e lypësve nga rrugët e Pejës
- Kryetari i Kaçanikut takohet me kreun e BIK-ut për problemet e xhamisë
- Kërkohet emër për Spitalin Rajonal të Gjilanit
- Gjilani, pa politika riintegruese për viktimat e dhunës në familje
- Komuna – keqmenaxhuese e parasë publike
Kaçanik, 12 korrik - Kryetari i Kaçanikut, Besim Ilazi, dhe kreu i Bashkësisë Islame të Kosovës, myftiu Naim Tërnava, të enjten kanë biseduar lidhur me polarizimin e komunitetit mysliman të këtij mjedisi pas emërimit të Florim Nezirajt në krye të Këshillit të BIK-ut në Kaçanik. “Myftiu Tërnava e ka njoftuar kryetarin me gjenezën e problemit, ndërsa ka nënvizuar se BIK-u ka bërë dhe do të vazhdojë të bëjë përpjekje për normalizimin e gjendjes”, ka theksuar Hajrush Dullovi, zëdhënës i Komunës, pas takimit të mbajtur në zyrën e Ilazit. Ai e ka cituar Tërnavën të ketë deklaruar se në xhami duhet të kthehet rendi dhe ligji.
Ndërkaq, Ilazi është cituar t'i ketë thënë mysafirit se Komuna nuk do të ndërhyjë në autonominë e brendshme të BIK-ut, por kërkon zgjidhje për dalje nga situata e rëndë në xhami. “Problemet në xhami duhet të zgjidhen edhe për shkak se janë duke reflektuar keq në kontekstin e sigurisë së përgjithshme”, i kishte thënë Ilazi Tërnavës.
Se zhvillimet në xhaminë e qytetit vazhdojnë të mbeten problem që e rëndon gjendjen e sigurisë së përgjithshme në Kaçanik e ka thënë edhe Këshilli Komunal i Sigurisë të hënën. Në këtë kontekst, është rikujtuar se telashet në xhami janë duke i shkaktuar mbështetësit e ish-kreut të Këshillit të Bashkësisë Islame të Kaçanikut, Musli Vërbani, dhe ata të kreut të ri të këtij institucioni fetar.
“Ky problem është duke na preokupuar tash e 6 muaj. Deri tashti i kemi hapur 30 raste aty për dëmtim të pasurisë, për prishje të rendit dhe të qetësisë publike dhe për armëmbajtje pa leje. Është rasti më i rëndë me të cilin policia është marrë viteve të fundit”, ka theksuar togeri Mehmetali Hajdini, komandant i Stacionit Policor të Kaçanikut.
Katundari12.07.2012/21:10
O jane qu peshe agallare e katunare veq Zoti bafte rahmet!!!!!!!!