MTI-ja rihap tenderin për zhvillimin e Brezovicës
Artikujt tjerė
- MTI-ja rihap tenderin për zhvillimin e Brezovicës
- Ministrja premton mbrojtje të prodhimeve vendore
- Mjekët s’kanë punë në Kosovë shkojnë në Gjermani
- Inflacioni në Kosovë gjatë gushtit arriti në 3.1 për qind
- Turqia në vitin 2013, bum i investimeve të BERZH
- BE-së i pëlqen zotimi i Qeverisë për mbylljen e “Kosova A” më 2017
- Greqia do të lëshojë me qira ishujt e pabanuar
- Vendosen masa anti-damping për blloqet e siporeksit nga Serbia
- Autorizohet hapja e tenderit për shitjen e aksioneve të PTK-së
- Gjermania miraton fondin evropian të shpëtimit
Prishtinë, 15 shtator - Një tender për revitalizimin e pjesshëm të kompleksit të turizmit në Brezovicë ishte anuluar gjatë muajit korrik, në mungesë të mjeteve nga Ministria e Tregtisë dhe Industrisë, ani pse për të ishin pranuar 7 oferta nga kompanitë private. Në arkën e Ministrisë së Tregtisë nuk pati mjete të mjaftueshme për të paguar shërbimet këshilluese ligjore dhe ato të transaksionit për zhvillimin e projektit të Brezovicës, ani pse kishte kaluar në Kuvend rishikimi i buxhetit vjetor, shkruan Koha Ditore të shtunën. Dy muaj më vonë, e njëjta ministri ka ripërsëritur të njëjtën procedurë tenderuese. Kërkohet që nëpërmjet tenderit të hapur më 7 shtator, e që do të jetë i hapur deri më 22 tetor, të kontraktohet një kompani private e cila do të jepte këshilla dhe ide se si duhet proceduar çështjen e revitalizimit të Brezovicës. “Kompania konsulente apo konsorciumi i kompanive konsulente do të duhej të ofronte shërbime këshillimore të transaksionit për të tërhequr një operator apo investitor për projektimin, zhvillimin, financimin dhe operimin e Qendrës Turistike të Brezovicës”, ka thënë Arta Istrefi, këshilltare për media. Më gjerësisht për këtë lexoni në gazetën e së shtunës.
