KAMILA e Prizrenit promovon Kosovën në 16 shtete
Artikujt tjerė
- Eksploatuesit e rërës me protesta kërkojnë t’u lejohet puna
- Ulje rekorde e normës së interesit për euron
- KAMILA e Prizrenit promovon Kosovën në 16 shtete
- Shpërthim i inflacionit në Rusi
- Agjencitë serbe bëjnë ofertë turistike për në Shqipëri
- Punëtorët e larguar të Ferronikelit sërish protestojnë
- Ligji i punës i jep të drejtë “Ferronikelit” ta reduktojë stafin
- Guvernatori i Shqipërisë paralajmëron rrezikimin e rritjes ekonomike
- Policia angazhohet në mbrojtje të pyjeve
- Deputetët opozitarë kundër vendimit të MTI-së, Kusari-Lila nuk sprapset
Prishtinë 5 korrik - Kryetari i Odës Ekonomike, Safet Gërxhaliu priti në një takim pronarin e kompanisë Kamila nga Prizreni, Erdal Shenkardesh me bashkëpunëtorë, ku u bisedua për ecuritë ekonomike të kësaj kompanie.
Është kënaqësi që në Kosovë punojnë investitorë nga Turqia, çfarë jeni ju, të cilët keni krijuar një fabrikë, ku keni hapur 120 vende të reja pune, gjë që është një kontribut për stabilitetin social të Kosovës, tha Gërxhaliu.
“Keni produkte kualitative që eksportoni në Keni, Johanesburg, Dubai, Bahrejn, Jemen, Irak, Jordani, Gjermani, Austri, dhe në të gjitha vendet e rajonit të Evropës Juglindore, është kontributi juaj më i madh që përmes produkteve të fabrikës Kamila, nën etiketën Made in Kosova të promovoni vlerat e Kosovës, të inkurajoni investitorët e huaj për të ardhur në Kosovë dhe njëherësh të kontribuoni në përmirësimin e imazhit të saj në botë”, tha kreu i OEK.
Shenkardesh falënderoi për mbështetjen e dhënë nga OEK, duke theksuar se në Kosovë e ndien vetën shumë mirë dhe për momentin ka investuar afër 5 milionë euro, ku janë ndërtuar 6 600 metra katrorë hapësirë, nga të cilat 5 000 shërbejnë për prodhim dhe 1 600 janë zyra dhe laboratorë.
“Pretendojmë që sivjet të realizojmë eksporte në vlerë 6 milionë euro dhe të vazhdojmë me investime në rritjen e kapaciteteve, me qëllim që të shtojmë punësimin dhe të kontribuojmë në përmirësimin e bilancit të pagesave të Kosovës”, tha biznesmeni turk, i cili pastaj theksoi se kjo fabrikë prizrenase ka probleme për të depërtuar në Bosnjë e Hercegovinë, për shkak të problemeve të natyrës politike, pasi atje nuk e pranojnë asnjë dokument të Kosovës.
