Conte: Juventusi mund t`i mposhtë të gjithë
Artikujt tjerė
- Conte: Juventusi mund t`i mposhtë të gjithë
- Barcelona mendon për zëvendësuesit e Puyolit
- Rio Ferdinand nuk dënohet nga UEFA
- Oklahoma barazon rekordin për më së paku topa të humbur
- Yjet e Realit, katastrofalë në trafik
- Kaka kthehet në përfaqësuese, Ronaldinho largohet
- "Autsajderit" i është rritur apetiti për sukses në Evropë
- Tifozi thërret policinë pas kartonit të kuq të Nanit
- Messi: Barcelona do të bëjë çdo gjë për të mposhtur Milanin
- Milani arrin marrëveshje për Jorginhon
Torino, 7 mars - Trajneri i Juventusit, Antonio Conte insiston se klubi i tij nuk mund të bëjë gara me klubet më të mëdha sa i përket kushteve financiare, por shton se kjo “nuk do të thotë se ne nuk mund t`i mposhtim ata në fushë”, raporton sot Football-italia.com.
Zonja e vjetër rezervoi një vend në çerekfinale të Champions League të mërkurën pasi mposhti Celticun me rezultat të përgjithshëm 5:0.
Më 15 mars lojtarët e Juventusit do të mësojnë se kush do të jetë kundërshtari i tyre i ardhshëm.
“Për shumë arsye, sidomos ekonomike, ekipet siç janë Barcelona, Real Madridi dhe Bayern München janë superiore, në anën tjetër këtu e përfshij edhe ekipin e Juventusit”, ka thënë Conte.
“Është utopi të mendojmë se ne jemi në të njëjtin nivel me ato ekipe sa i përket gjendjes financiare. Paratë që shpenzojnë Madridi, Bayerni, Barcelona apo PSG-ja, ne nuk mund t`i shpenzojmë. Ne jemi tre apo katër hapa prapa tyre. Por, kjo nuk do të thotë se ne nuk mund t`i mposhtim ato ekipe në fushë”, ka shtuar Conte.
