Iniesta gjen formën në çastin e duhur
Artikujt tjerė
- Iniesta gjen formën në çastin e duhur
- Tifozët irlandezë shpërblehen për korrektësi
- Dhjetë momentet që shënuan kampionatet evropiane
- Super Mario, heroi i Italisë
- "Euro 2020", në 12 shtete evropiane
- Spanja synon atë që s’e arriti Gjermania Perëndimore
- Suksesi i Italisë pasuron fjalorin e futbollit
- Nisi gara e madhe çiklistike “ Tour de France 2012”
- Platini: Polonia dhe Ukraina – organizim fantastik
- Holanda pa trajner, Hidink refuzon pankinën
Kiev, 1 korrik - Në mes të kritikave befasuese që i ka pranuar gjatë "Euro 2012", Përfaqësuesja e Spanjës të paktën reflekton gëzim për adhurimin universal që po tregohet për mesfushorin Andres Iniesta.
Në ekipin e Spanjës të mbushur me pasues dhe asistues të mirë, Iniesta është lojtari i vetëm që mund të avancojë në sulm me teknikën e tij për ta thyer mbrojtjen kundërshtare dhe për të shënuar gol.
Ndonëse nuk u tregua dominues gjatë fazës së grupeve në "Euro 2012", Iniesta ndikimin e tij te Spanja e dëshmoi në ndeshjet çerekfinale dhe gjysmëfinale, me Francën dhe Portugalinë. Kundër Francës, Iniesta e nisi aksionin e Spanjës pas pasimit deri te Jordi Alba, i cili asistoi për Xabi Alonson që në minutën e 19-të shënoi golin e epërsisë. Ndërsa kundër Portugalisë, Iniesta ishte lojtari që i pati rastet më të mira për të shënuar gol, por ishte portieri Rui Patricio që ia mohoi disa herë një gjë të tillë me intervenimet e sakta.
Iniesta ishte futbollisti më i qetë te ekipi i nervozuar i Spanjës gjatë gjuajtjes së penalltive kundër Portugalisë, përmes të cilave edhe siguroi kualifikimin në finale. Ai gjuajti i dyti dhe shënoi për golin e parë për spanjollët pas dështimit të Xabi Alonsos. "Iniesta ka pasur një edicion shumë të vështirë për shkak të lëndimeve të shumta. Mirëpo, ai në Evropian ishte i jashtëzakonshëm, duke përparuar nga ndeshje në ndeshje", tha bashkëlojtari i tij, Cesc Fabregas (më gjerësisht sot në “Koha Ditore”).
