Xhaka kritikon bashkëlojtarët dhe kritikohet prej tyre
Artikujt tjerė
- Xhaka kritikon bashkëlojtarët dhe kritikohet prej tyre
- Berisha synon Kombëtaren A
- Trepça planifikon t'u kthehet fitoreve
- Hendbollistet serbe turpërojnë Kastriotin
- Ferizajaset sfidohen nga serbet e Nova Pazovas
- Majlinda, kampione edhe në Abu-Dhabi
- Vëllaznimi i riorganizuar synon plejofin
- FBK-ja i shkruan sërish FIBA-s
- Valon Berisha mund t’i bashkohet Granit Xhakës te Gladbach
- Kelmendi e Gjakova për herë të parë garojnë me flamur të Kosovës
Zuri, 13 tetor - Një intervistë që Granit i Xhaka ka dhënë për gazetën zvicerane “Tages Anzeiger” ka ngjallur debate dhe mospajtime në klubin e bundesligës gjermane Borussia Mönchengladbach, ku ai luan prej disa muajsh.Nuk është hera e parë që Xhaka ankohet për “mentalitetin defetist” të bashkëlojtarëve të tij në mesin e ri. Por, në intervistën e përmendur ai ka qenë edhe më i ashpër.
Sipas Xhakës, futbollistët që i ka gjetur në Gladbach nuk kanë mentalitet fitimtari. Ata nuk e kërkojnë fitoren por janë të kënaqur vetëm të mos humbin. “Ata më kanë thënë se duhet të jemi të kënaqur nëse nuk biem nga liga”, shprehet Xhaka, transmeton Albinfo.
Më tutje, Graniti ka theksuar se në mesin prej nga ai ka ardhur, në FC Basel ka qenë normale të mendohet dhe të flitet vetëm për fitore. Dihet se ish skuadra e tij zvicerane, derisa në të ka luajtur Graniti, ka fituar dy tituj kampioni dhe një kupë të Zvicrës.
I pyetur rreth qëndrimit të publikuar të Xhakës, drejtori sportiv i Gladbachut Max Eberle është shprehur se nuk e shqetëson kjo gjë.
“Graniti ka vetëm 20 vjet dhe është duke u etabluar në një ligë të madhe futbolli. Ai është ambicioz dhe ndoshta i zemëruar se nuk po ecën gjithçka ashtu si e ka paramenduar ai. Unë nuk kam problem me këtë punë, sepse ne i duam pikërisht lojtarët që duan të arrijnë diçka”.
Por ndryshe ka reaguar një bashkëlojtar më i vjetër i Xhakës në ekipin e tij të ri, Thorben Marx. “Nganjëherë është më mirë që thjesht të mbyllësh gojën”, ka thënë Marx.
Ndërsa kapiteni i skuadrës, Filip Daems shpreh mirëkuptim për kolegun e tij të ri: “Graniti është një tip triumfues dhe ne, natyrisht, po ashtu të gjithë duam të fitojmë. Unë mendoj se ai nuk e ka menduar negativisht këtë që e ka thënë“.
Borussia Mönchengladbach gjatë verës që shkoi ka paguar 8.5 milionë euro FC Baselit për blerjen e Xhakës.
