KEK-u - Lepenci 5:6

Kastriot, 19 maj - Pas përfundimit të ndeshjes buzëqeshja shihej si te futbollistët vendas të KEK-ut, ashtu edhe te ata mysafirë të Lepencit. Kjo tregonte se në stadiumin "Agron Rama" në Kastriot të shtunën u zhvillua një ndeshje "miqësore". U përballën KEK-u, që ka humbur gjasat për ekzistencë, dhe Lepenci, që po lufton për t'i ikur barazhit. Në fund fitoi skuadra për të cilën të gjithë në stadium e dinin se do të fitonte, ajo mysafire nga Kaçaniku. Por, rezultati nuk ishte ai që pritej në një ndeshje të dyshimtë si ajo mes KEK-ut e Lepencit. Mysafirët fituan me rezultat 6:5.

Lepenci me këtë fitore mbetet në pozitën e nëntë që në fund ia siguron mbetjen në elitën e futbollit kosovar. KEK-u renditet i parafundit me 25 pikë, pa gjasa për të mbetur në Superligë.

Mesfushori i Lepencit, Florim Berisha, shënoi tre gola për fitore në ndeshjen që jo rrallë i ngjante cirkut. Ai realizoi në minutën e 41-të nga penalltia dhe më pas në minutat 48 e 80. Me nga një gol kontribuuan Përparim Livoreka (2'), Xhevdet Shabani (12') e Pajtim Berisha (25').

Ndërkohë për KEK-un shënuan Mensur Simnica (5'), Alban Shillova (20', 46'), Gëzim Pllana (55') e Enis Krasniqi (75').

Komente (8)Shpërndaje artikullin

• 10:20Ministria e Rashiqit me dy projekte për punësimin e Ranillugasve
• 10:12Edhe Pozherani kërkon të bëhet komunë
• 10:08Zbulime të rëndësishme për malarien
• 10:06Rita ndërron ngjyrën e flokëve
• 10:05Gjinushi: Meta kryeministër? Më mirë Saliu
• 10:04‘Sharr-Cemin’ e pret gjoba
• 10:03Ende heshtet uzurpimi i 6 hektarëve të QKUK-së
• 10:02West Hami transferon Carrollin
• 09:57Al Pacino: Njerëzit si unë nuk dalin në pension
• 09:53Një tjetër sukses i Andamion Muratajt me filmin “Burri i Shtëpisë”