Të akuzuarit për 11/ 9 në gjyq
Artikujt tjerė
- Të akuzuarit për 11/ 9 në gjyq
- Identifikohen tre gazetarë të vrarë në Meksikë
- Franca dënon shkencëtarin atomik
- Ndihmuesi i Jane Xhihadit pranon fajësinë
- Zgjedhjet vendore në Britani
- Obama fillon fushatën për zgjedhjet presidenciale
- Rusia kërcënon NATO-n
- OKB: Plani i paqes në rrugë të drejtë
- Kina e lejon disidentin Chen të largohet
- Në Afganistan vriten 17 e plagosen 12 persona
Guantanamo, 5 maj - Khalid Sheikh Mohammed (në fotot) dhe katër persona të tjerë të akuzuar për organizimin e sulmeve të 11 shtatorit do të shfaqen në një gjykatë ushtarake në Gjirin e Guantanamos.
Një përpjekje e mëhershme u pengua tre vjet më parë, kur presidenti Barack Obama u përpoq të mbyllte burgun e Guantanamos.
Që atëherë janë prezantuar rregulla të reja për gjyqet në bazën e Shteteve të Bashkuara në Kubë, përfshirë një për ndalimin e provave të siguruara me anë të torturës.
Avokatët mbrojtës deklarojnë se sistemit gjyqësor i mungon legjitimiteti, për shkak të aksesit të kufizuar tek klientët e tyre.
Përpjekjet e presidentit Obama për të mbajtur gjyqin e Khalid Sheikh Mohammed në Nju Jork hasën në kundërshtimin politik dhe publik dhe për rrjedhojë tani do të mbahet në Kubë, ashtu siç ishte parashikuar.
Një numër i vogël i të afërmve të viktimave të sulmeve të 11 shtatorit kanë mbërritur në kompleksin ushtarak për të ndjekur proçesin.
I vetëshpallur si “truri” i sulmeve ndaj Kullave Binjake në Nju Jork, Khalid Sheikh Mohammed dhe katër të tjerët pritet të gjykohen së bashku.
Ata akuzohen se kanë planifikuar dhe ekzekutuar sulmet, që u kryen përmes marrjes së kontrollit të avionëve që u përplasën më pas në Nju Jork, Uashington dhe Shenksvill, duke lënë 2.967 të vdekur.
