Izraeli nuk përjashton asnjë aksion kundër Iranit

Tela –Aviv, 2 mars - Kryeministri izraelit, Benjamin Netanjahu, ka thënë se vendi i tij nuk do të vërë ndonjë “vijë të kuqe” sa u përket veprimeve në lidhje me programin bërthamor të Iranit.

Në komentet që kanë pasuar takimin me kryeministrin kanadez, Stefen Harper, në Otavë, Netanjahu ka thënë se Izraeli ka të drejtë të mbrojë veten e tij, ashtu si dhe liri “për të manovruar ndaj kërcënimeve”, transmeton REL .

Ai ka shprehur bindjen se negociatat nuk do të zgjidhnin problemin, duke thënë se “Teherani përdor bisedimet për të mashtruar”.

Presidenti i SHBA-së, Barack Obama, në komentet e tij të bëra për një revistë amerikane, ka thënë se Uashingtoni e konsideron të papranueshëm një Iran të armatosur me armë bërthamore.

Deklaratat e Obamës vijnë në prag të takimit të tij me Netanjahun, më 5 mars, në Uashington.

Perëndimi druan se programi bërthamor i Iranit ka për qëllim krijimin e armëve atomike – akuza që hidhen poshtë nga Republika Islamike.

Komente (2)Shpërndaje artikullin

• 15:12Serbia do kërkojë kthimin e “230 mijë të të shpërngulurve” në Kosovë
• 15:02Aksident trafiku, një i vdekur, katër të lënduar
• 14:52Mbahet Konventa e Partisë Socialiste
• 14:43Shqipëria, ndër vendet me vdekshmëri më të lartë foshnjore
• 14:34Shpërthim në Damask, Assadi s’jep dorëheqje
• 14:27Gjermania mbështet QKUK-në me shtretër dyshekë dhe respiratorë
• 14:19Stavridis: Siguria kibernetike, sfidë
• 14:13Vriten katër militantë në Jemen
• 14:07Irani var dy persona për “spiunazh”
• 14:00Tre të infektuar nga rriqrat