11 ditë luftime në Haleb të Sirisë
Artikujt tjerė
- 11 ditë luftime në Haleb të Sirisë
- Romney përfundon turneun nëpër botë
- Gjysma e Indisë ende pa rrymë
- Obamës i shkon në ndihmë Bill Clinton
- Rritet popullariteti i Putinit
- Eurozona shënon numër rekord të papunësisë
- Clinton në Afrikë
- Chavez është shëruar, këndon dhe vallëzon
- Ngritet aktakuzë kundër Holmes
- Kapet sasi rekorde droge në Australi
Damask, 31 korrik - Në njërin prej qyteteve më të mëdha siriane, Haleb, i cili ndodhet nën kontrollin e kryengritësve, edhe gjatë ditës së martë kanë vazhduar bombardimet dhe luftimet. Aktivistët e agjencisë siriane për të Drejtat e Njeriut raportuan se kjo është dita e 11 e luftimeve në Haleb. Lufta për Haleb, si shtyllë ekonomike e Sirisë me tre milionë banorë, po zgjat më shumë sesa në Damask. Ushtria siriane ka granatuar bastionin e kryengritësve në verilindje, por përleshje pati edhe në pjesët tjera të qytetit. OKB-ja vlerësoi se 200 mijë qytetarë ikën nga qyteti, derisa ai është i shkatërruar krejtësisht nga granatimet. Megjithatë UNHCR-ja nuk ia doli të depërtojë deri tek refugjatët që kanë ngecur në qytet. Përfaqësuesja e agjencisë tha për gazetarët se me mijëra njerëz të frikësuar fshihen në shkolla, xhami dhe strehimore të ndryshme të improvizuara. Në anën tjetër presidenti amerikan Barack Obama dhe kryeministri turk Recep Tayyip Erdogan kanë zhvilluar bisedë telefonike “për të koordinuar përpjekjet në përshpejtimin e një tranzicioni politik në Siri.” Në një deklaratë të Shtëpisë së Bardhë thuhet se tranzicioni “do të përfshijë largimin” e presidentit sirian dhe do “t’i përgjigjet kërkesave legjitime të popullit sirian.”
