Në 495 institucione të Maqedonisë, asnjë shqiptar
Artikujt tjerė
- Deputeti rumun arrestohet si organizator i krimit
- Kina ndërton shkollë në Reçicë të Vogël dhe në Shkup
- Serbia arreston “për drogë” një të ri ferizajas
- Një rrugë e Tetovës merr emrin “Dritan Hoxha”
- Parlamenti Europian kundër zgjedhjeve serbe në Kosovë
- Shqiptarët protestuan kundër diskriminimit në Maqedoni
- Fusnota ringjalli Rezolutën 1244
- Daçiq: Kosovës si të na bëjë, do t’ia bëjmë
- Shutanovac bojkotoi konferencën në Shkup për shkak të Çekut
- Ngushtohet lista e lustrimit në Maqedoni
Shkup, 28 mars - Nga gjithsej 972 institucione në Maqedoni, në 495 prej tyre nuk ka asnjë shqiptar të punësuar. Këto të dhëna përmban raporti i Avokatit të Popullit për vitin 2011. Përveç shqiptarëve, edhe bashkësitë e tjera etnike nuk janë të përfaqësuara në mënyrë adekuate në institucione, deklaroi avokati i popullit, Ixhet Mehmeti.
“Ka institucione në të cilat nuk ka asnjë anëtar të bashkësisë shqiptare, ka institucione në të cilat nuk ka asnjë anëtar të bashkësisë turke, vllahe, maqedonase dhe ato numra i keni në raport”, tha ai në konferencë me gazetarë.
Sa i përket ankesave ndaj institucioneve edhe në këtë raport udhëheqin ato që kanë të bëjnë me format e ndryshme të diskriminimit, pastaj ankesat kanë të bëjnë me gjyqësorin, marrëdhëniet e punës, ato pronësore juridike, burgjet, policia, sigurimin pensional dhe invalidor, çështjet sociale dhe të drejtat e fëmijëve. Në këto fusha qytetarët hasin në mospërfilljen e të drejtave të tyre nga institucionet.
