Daçiq për normalizim të marrëdhënieve pa e njohur Kosovën

Beograd, 27 tetor – Kryeministri i Serbisë Ivica Daçiq ka deklaruar sot se debati për platformën për Kosovën do të vazhdojë gjatë javës tjetër.

"Serbia duhet të dijë çfarë të propozojë e jo vetëm çfarë nuk do. Nuk mund të shkojmë në bisedime nëse vija e parë e mbrojtjes njëkohësisht është edhe e fundit. Puna në platformë po vazhdon, e në nëntor do të kemi edhe bisedime me përfaqësuesen e lartë të BE Catherine Ashton si dhe me përfaqësues të Kosovës", ka thënë Daçiq, transmeton Tanjug. 

Duke sqaruar se fjala është për dokumentin përgatitor të karakterit intern, Daçiq ka thënë se platforma duhet të përmbajë pozitën aktuale të Serbisë, propozimin për zgjidhjen e statusit përfundimtar por edhe qëndrimin se dialogut nuk i intereson statusi përfundimtar i Kosovës.

Të gjitha bisedimet duhet të përcillen me lëvizje pozitive kur bëhet fjalë për integrimet evropiane, ka thënë Daçiq.

Duke folur rreth kërkesës për normalizim të marrëdhënieve Beograd – Prishtinë, Daçiq është pajtuar se duhet bërë përparim të dukshëm, por ka shtuar se ky përparim nuk do të thotë assesi ndërrim qëndrimit të Serbisë kur bëhet fjalë për njohjen e pavarësisë së Kosovës. Ai sërish ka nënvizuar se Serbia nuk do të heqë dorë nga qëndrimi që të mos e njohë pavarësinë e Kosovës dhe se bisedimet do të jetë neutrale ndaj statusit.

Komente (1)Shpërndaje artikullin

• 15:44Jahjaga ende pa ftesë për Samitin e Ohrit
• 15:38Koreja Veriore kryen edhe një test raketor
• 15:32Përurohet objekti modern në Malishevë të Gjilanit
• 15:24Neonazistët grekë kërcënojnë myslimanët
• 15:18Shitet për 408,000 $ kitara e Lennonit
• 15:12Serbia do kërkojë kthimin e “230 mijë të të shpërngulurve” në Kosovë
• 15:02Aksident trafiku, një i vdekur, katër të lënduar
• 14:52Mbahet Konventa e Partisë Socialiste
• 14:43Shqipëria, ndër vendet me vdekshmëri më të lartë foshnjore
• 14:34Shpërthim në Damask, Assadi s’jep dorëheqje