Busek: Serbia para hyrjes në BE duhet ta njohë Kosovën

Beograd, 20 shtator   – Ish-koordinatori I Paktit të Stabilitetit për Evropën Juglindore Erhard Busek mendon se zgjidhja përfundimtare për rrugëdalje nga nyja kosovare mund të jetë ndarja e Kosovës, dhe shprehet i sigurt se Serbia, para hyrjes në BE, patjetër duhet ta njohë ekzistimin e shtetit të Kosovës.

“Beogradi dhe Prishtina, në thelb, janë për këtë (ndarje) dhe vetëm duhet bindur Brukselin që edhe një herë të ndryshohen kufijtë” citon QIK-u deklaratën e Busekut për gazetën “V. novosti”.

Sipas mendimit të Busekut, dialogu ndërmjet Beogradit dhe Prishtinës sa më parë duhet ngritur në një nivel më të lartë politik, ndërsa në fund të këtij procesi duhet gjetur zgjidhjen përfundimtare për të dalë nga nyja kosovare.

“Sipas meje, kjo mund të ishte ndarja e Kosovës”, ka thënë Busek. Të gjitha detajet e rrugëdaljes nga pat pozicioni i Kosovës mund të harmonizohen në një lloj “Dejtoni për Kosovën”, ku bashkësia ndërkombëtare, para së gjithash SHBA-ja dhe Rusia, do të ishin garantë të marrëveshjes, ka shtuar Busek.

Sipas vlerësimit të tij, Serbia nuk mund të shpresojë në marr jen e datës së fillimit të negociatave me BE-në në dhjetor. Ai thotë se problem nuk do të jetë vetëm normalizimi i marrëdhënieve me Kosovën, por edhe ndryshimet në sistemin gjyqësor, menaxhimin e politikës ekonomike etj.

Busek ka vërejtje dhe ndaj qeverisë së re serbe. Sipas tij, Serbia vazhdimisht pret që Evropia t’i përshtatet asaj, e jo e kundërta. Gjithashtu Busek ka vërejtur edhe kthesën e qeverisë së re serbe drejt Rusisë, që sipas mendimi të tij, nuk është mirë sepse Serbia e ka vendin në BE.

 

Komente (7)Shpërndaje artikullin

• 12:19Tërmet 8.2 shkallësh në lindje të Rusisë
• 12:13Edhe tri fshatra me rrjet kanalizimi në komunën e Podujevës
• 12:08Kusari – Lila inkurajon bizneset turke të investojnë në Kosovë
• 12:06Angela Martini feston ditëlindjen 'nudo'
• 12:03Në “Javën e Tolerancës në Kosovë” Krasniqi kërkon njohje nga Izraeli
• 11:58Begoviq ëndërron Liverpoolin
• 11:54Në Nigeri ekstremistët islamikë vranë 20 njerëz
• 11:52Jankulloska i kërkon llogari ministrit të Kosovës
• 11:49Një kompani greke hoqi 5500 ton mbetje të rrezikshme nga KEK-u
• 11:46Në Llaushë sekuestrohen 4 armë zjarri, dy të arrestuar