Kryeministri Gruevski dhe ministri Besimi nuk përshëndeten

Shkup, 19 gusht - Kryeministri Nikola Gruevski dhe ministri i Mbrojtjes, Fatmir Besimi, nuk janë përshëndetur dhe nuk kanë qëndruar afër njëri tjetrit në ceremoninë e djeshme të shënimit të përvjetorit të 20 të Armatës së Republikës së Maqedonisë.

Për dallim nga Gruevski, presidenti i vendit, George Ivanov, kryetari i Parlamentit Trajko Veljanovski si dhe disa ministra, kori diplomatik dhe përfaqësues të tjerë institucionesh kanë përshëndetur Besimin, i cili ka qenë në cilësinë e nikoqirit të kësaj ngjarjeje, raporton INA.

Kjo situatë e krijuar përkon me ngjarjet e fundit dhe homazhet pranë varrezave të dëshmorëve të UÇK-së në Sllupçan të Kumanovës, ku ministri Besimi, i shoqëruar nga ushtarak të ARM-së, kryen homazhe nderimi me rastin e 13 gushtit - ditës së Marrëveshjes së Ohrit.

Kjo situatë ka tensionuar raportet midis partnerëve të koalicionit. Në ceremoninë e shënimit të përvjetorit të ARM-së kanë marrë pjesë edhe dy zëvendëskryeministrat shqiptarë, Musa Xhaferri dhe Teuta Arifi.

Komente (9)Shpërndaje artikullin

• 13:13Ende s’ka përgjigje për planin e zbatimit të Marrëveshjes
• 13:10Një i vdekur në aksidentin në Partesh të Gjilanit
• 13:09Thaçi i premton Gjilanit 8 milionë euro investime
• 13:08Projetligji për përgjimet i dërgohet Kuvendit
• 13:03Marrëveshja Kosovë-Serbi ndryshoi perspektivën e Ballkanit Perëndimor
• 13:02VV: EULEX-i ia mësyn gjithkujt përveç kreut të korrupsionit e krimit
• 12:58“Ta pastrojmë Kosovën” jo vetëm një ditë
• 12:55Në Pejë sot i nis punimet Konferenca ndërfetare
• 12:19Tërmet 8.2 shkallësh në lindje të Rusisë
• 12:13Edhe tri fshatra me rrjet kanalizimi në komunën e Podujevës