Topi vlerëson marrëveshjet Kosovë – Serbis
Artikujt tjerė
- Berisha: Marrëveshja - njohje e pavarësisë së Kosovës
- Berisha, bisedë telefonike me Pecin
- Topi vlerëson marrëveshjet Kosovë – Serbis
- Haxhinasto përshëndet marrëveshjen
- Varroset Feti Vogli
- Spahiu paralajmëron parti “që do heqë sulltanët nga politika”
- Mbërrin në atdhe trupi i Feti Voglit, sot homazhet
- Ambasadori Arvizu takon ish-kryeministrin Fatos Nano
- Majko humb garën për selinë e OKB, fiton turkja
- Komando Aleksandër Peçi jashtë rrezikut për jetën
Tiranë, 24 shkurt - Presidenti i Republikës së Shqipërisë, Prof. Dr. Bamir Topi, vlerëson si një arritje të rëndësishme marrëveshjet në dialogun e fundit midis Qeverisë së Kosovës dhe asaj të Serbisë, për bashkëpunimin rajonal dhe mbi zbatimin e menaxhimit të integruar të kufirit. Këto marrëveshje, të arritura me një vullnet politik të përbashkët dhe me mbështetjen e fuqishme të Shteteve të Bashkuara të Amerikës dhe Bashkimit Evropian, nuk cenojnë parimet e pavarësisë së Kosovës, si shtet i pavarur, që tashmë njihet zyrtarisht nga 88 vende anëtare të OKB-së, dhe as integritetin territorial dhe sovranitetin e vendit.
Presidenti i Republikës së Shqipërisë thekson se marrëveshjet e mësipërme midis Kosovës dhe Serbisë, jo vetëm i kontribuojnë paqes dhe stabilitetit në rajon, por janë një hap konkret drejt rrugës së përbashkët në integrimin evropian. Ato i shërbejnë pjesëmarrjes me të drejta të plota të Kosovës në të gjitha veprimtaritë rajonale, paqes dhe prosperitetit të popujve të Ballkanit, si pjesë e rëndësishme e Evropës demokratike.
agroni agron24.02.2012/19:25
Me te vertet ky njeri eshte nje patriot i vertete.