Dhanë betimin 39 noterët e parë të Kosovës
Artikujt tjerė
- Dhanë betimin 39 noterët e parë të Kosovës
- Në Ditën e të Pagjeturve EULEX premton më shumë kërkime
- Kuçi u shkruan medieve: Jap dorëheqje nëse nuk hiqen nenet 37 e 38
- Hoxhaj: Kosova s’e njeh Serbinë
- BE ia rikujton KEK-ut standardet e detyrueshme
- Kreu i Degës së AKR-së në Fushë-Kosovë kalon në AAK
- Në Prishtinë 1781 pikëpyetje për aq të pagjetur
- Gjasa për ringjalljen e Hekurudhave të Kosovës
- Lezhjania martohet me serb, refuzon shtetin e Kosovës
- Përfaqësuesit e 25 vendeve të rajonit sot në Prizren
Prishtinë, 27 prill – Në një ceremoni solemne të organizuar nga Ministria e Drejtësisë, e në të cilën morenë pjesë ministra, udhëheqës të institucioneve të drejtësisë, ambasadorja e Zvicrës, krerët e Odës së Noterëve nga Shqipëria dhe Maqedonia, dhanë betimin 39 noterët e parë të Republikës së Kosovës.
Me këtë rast, Zëvendëskryeministri dhe Ministri i Drejtësisë, Prof. Dr. Hajredin Kuçi tha se me krijimin e institucionit të noterisë është bërë edhe një plotësim në sistemin e drejtësisë së Kosovës. Sipas tij sistemi i noterisë do të ndikojë në shërbime me të mira për qytetaret, në forcimin e renditë dhe ligjit dhe do të jetë një mbështetje për gjyqësorin dhe lehtësim për punën e tyre.
Ministri Kuçi kërkoi nga noterët që punën e tyre të mos e kenë vetëm detyre, por edhe mision.
Ambasadorja e Zvicrës, Krystyna Marty, vendit që mbështeti krimin e sistemit noterial në Kosovë, para të pranishmëve tha se një shërbim noterial funksional është shumë i rëndësishëm për Kosovën dhe shtoi se ky sistem mund të japë një kontribut thelbësor në sistemin gjyqësor të vendit.
Për rolin pozitiv që do ta luajë sistemi i noterisë dhe për ndihmën që do t’i ofrojë sistemit gjyqësor, në këtë ceremoni folën edhe krerët e institucioneve të drejtësisë së Kosovës, kryetari i KGJK-së, Enver Peci, kryeprokurori, Ismet Kabashi dhe kryetari i Gjykatës Supreme, Fejzullah Hasani.
Kjo ceremoni është përshëndetur edhe nga kryetarët e odave të noterëve të Shqipërisë dhe të Maqedonisë.
