Sindikata e metalistëve kërkon lirimin e Hasan Abazit
Artikujt tjerė
- ProCredit Bank i bashkohet iniciativës ‘Ta Pastrojmë Kosovën’
- Sindikata e metalistëve kërkon lirimin e Hasan Abazit
- FSK filloi sezonin veror të deminimit
- Partitë zyrtarizojnë kandidatë për kryetar në Ferizaj
- KMDLNj i shqetësua me mënyrën e arrestimit të Nazmi Mustafit
- LDK akuzon Qeverinë se favorizon korrupsionin
- Kuçi dhe Zbogar: Kosova dhe Serbia duhet të jetojnë në fqinjësi të mirë
- KFOR-i do të përcaktojë vijën kufitare me Serbinë
- Pashk Mirashi rrëfen për lirinë e rifituar me ryshfet (video)
- Novotna synon “peshqit e mëdhenj” të korrupsionit
Prishtinë, 4 prill - Sindikata e Pavarur e Metalistëve të Kosovës së bashku me 12 federatat sindikale kanë kërkuar nga zyrat diplomatike që veprojnë në Kosovë si dhe nga shefja e Politikës së Jashtme të BE-së, Catherine Ashton që të bëjnë ç’është e mundur për lirimin e sindikalistit, Hasan Abazi.
Po ashtu kanë kërkuar nga instancat vendore më të larta të mos të rrinë duarkryq, pasi sipas tyre janë të zgjedhur nga vota e popullit.
“Të respektuar diplomat të të gjitha vendeve që veproni në Republikën e Kosovës. Ne përfaqësuesit e Sindikatave të Pavarura të Kosovës u drejtohemi me kërkesën për reagim dhe ndihmë në lirim të Hasan Abazit, kryetar i Sindikatës të Pavarur të Metalistëve të Kosovës i arrestuar në kufirin me Serbinë. I njëjti akuzohet për spiunazh-dhënie të informacioneve NATO-s”, thuhet në kumtesë.
Në njoftimin thuhet se Abazi është viktimë e marrëveshjeve të arritura në mes të Republikës të Kosovës dhe Republikës të Serbisë me ndërmjetësimin e BE për “qarkullim të lirë” dhe “menaxhim të integruar të kufijve”.
SPMK ka njoftuar se Abazi po mbahet në burgun e Vranjës në një dhomë të vogël pa kushte elementare për jetë, thuhet në komunikatën e SPMK-së.
