Bisedimet vazhdojnë nesër, Edita fshihet nga mediet

Bruksel, 22 shkurt - 20:18 - ( E plotësuar)-  Sot në Bruksel përfundoi i rundi më i ri i dialogut ndërmjet Kosovës e Serbisë. Pas përfundimit të takimit, nuk pati asnjë deklaratë nga asnjëra palë, as nga Kosova as nga Serbia dhe as nga BE. Nesër, në orën 10 do të vazhdojë ky dialog. Pas mbarimit të bisedave të sotme Edita Tahiri nuk është prononcuar për medie, madje ajo është fshehur nga gazetarët, njofton KTV. Këtë gjë Tahiri e kishte bërë edhe para fillimit të takimit.  Nga na tjetër kryesuesi i delegacionit serb Borislav Sefanoviq, pa treguar se ç’është biseduar dhe ç’është arritur gjatë takimit të sotëm , ka thënë se Beogradi është shumë i kënaqur për kompromisin e arritur – futjen e  fusnotës 1244 kur bëhet fjalë për përfaqësimin rajonal të Kosovës. 

Bruksel, 22 shkurt  -17:18 - (E plotësuar) - Në Bruksel po vazhdon dialogu ndërmjet Kosovës e Serbisë, i cili ka filluar në orën 10 të mëngjesit.
Palët kanë pasur një pauzë dreke dhe janë kthyer sërish, për të diskutuar marrëveshjen për menaxhimin e integruar të kufirit.
Sipas burimeve të BE-së, takimi po zhvillohet në atmosferë pozitive, gjë që jep shpresë se mund të rezultojë me dy marrëveshje: atë për përmbushjen e pikave të marrëveshjes për lëvizjen e lirë dhe të menaxhimit të integruar të kufive, si dhe marrëveshja për bashkëpunimin rajonal.
Raportohet se më herët, para gazetarëve, ka folur vetëm shefi i ekipit negociator serb, Borisllav Stefanoviq, i cili në lidhje me fusnotën për Kosovën, ka thënë se ka qenë propozim i Serbisë, i përqafuar nga komuniteti ndërkombëtar, transmeton REL.
Srtefanoviq ka thënë se zgjidhja për pjesëmarrjen e Kosovës në nismat rajonale do të jetë duke marrë parasysh Kushtetutën e Serbisë, Rezolutën 12 44 dhe Deklaratën e Gjykatës Ndërkombëtare të Drejtësisë, por ka hedhur poshtë mundësinë, që të përmendet edhe Deklarata e Pavarësisë së Kosovës.
Sipas Bashkimit Evropian, një arritje e marrëveshjes do të ishte në të mirë të të dyja palëve, sepse Serbisë i ndihmon për statusin, ndërsa Kosovës për nismat rajonale.
Nuk dihet nëse ky raund bisedimesh do të përmbyllet sonte, apo do të vazhdojë edhe nesër.


Bruksel, 22 shkurt - 08:51 - (E plotësuar)-  Në Bruksel po vazhdon rundi i ri i bisedimeve Kosovë-Serbi, i cili ka nisur në mëngjes dhe ku palët po diskutojnë për bashkëpunimin rajonal dhe zbatimin e marrëveshjeve të arritura në rundet e mëhershme. Kryenegociatorja kosovare, Edita Tahiri, u është shmangur maksimalisht mediave dhe, sipas burimeve nga BE-ja, ajo  ka hyrë nga një derë dytësore në ndërtesën ku po mbahen bisedimet. Ndërkaq mediave u është drejtuar vetëm shefi i ekipit negociator serb, Borislav Stefanoviq, i cili para nisjes së takimit ka thënë se Beogradi zyrtar ka ardhur plotësisht i përgatitur në këtë rund bisedimesh dhe shpreson që të arrihet marrëveshja për përfaqësimin rajonal të Kosovës, e cila do t’i kënaqte të dyja palët. “Sikurse deri me tash, ne prapë e themi se në këtë marrëveshje duhet të përfshihet gjithsesi Rezoluta 1244, kushtetuta jonë dhe interesi ynë nacional. E dimë që kjo nuk është e lehtë, por nëse është e nevojshme do t’i vazhdojmë bisedimet edhe nesër. Ne jemi për kompromis”, ka deklaruar Stefanoviqi. Sa i përket palës kosovare, ajo tashmë ka pranuar që të përfaqësohet me Rezolutën 1244, por edhe me Deklaratën e shpalljes së Pavarësisë dhe Mendimin e GJND-së.  

Mediet serbe njoftojnë se në Bruksel tashmë ka filluar rundi i ri i dialogut ndërmjet Beogradit e Prishtinës. Gjatë këtij rundi në rend të ditës janë përfaqësimi rajonal i Kosovës dhe çështja e implementimit të menaxhimit të integruar të kufijve. Agjencitë e lajmeve të Beogradit citojnë kryenegociatorin e ekipit serb, Borisllav Stefanoviq, të ketë thënë se nuk pret bisedime të lehta dhe se nuk përjashton që bisedimet të vazhdojnë edhe nesër. Ai ka folur për gatishmërinë për kompromis brenda suazave të Rezolutës 12 4, Kushtetutës së Serbisë  dhe interesave kombëtare serbe. Sa i përket menaxhimit të integruar të kufijve, mediat citojnë Stefanoviqin të ketë thënë se pikëkalimet në veri do të jenë funksional, por nuk do të kenë elemente të kufirit shtetëror. Bisedimet është dashur të fillon dje, por ato u shtynë për shkak të vonesës së delegacionit të Kosovës.  

 Me një vonesë njëditëshe, por jo me ndonjë ndryshim në agjendë, të mërkurën, në orën 9 e 30 të mëngjesit, do të duhej të niste raundi i parë për këtë vit i dialogut mes Kosovës dhe Serbisë. Shtyrja e nisjes së këtij raundi kishte ardhur si rezultat i vonesës së ardhjes së delegacionit të Kosovës në Bruksel. Delegacioni nuk kishte mbërritur të hënën mbrëma siç pritej, por ishte nisur nga Prishtina të martën. Gjatë tërë ditës në BE thuhej se dialogu gjithsesi do të nisë të martën, duke planifikuar që ai të niste në orët e vona të pasdites. Por më vonë u mësua se ishte anuluar fluturimi i aeroplanit nga Vjena për në Bruksel me të cilin është dashur të vijë në kryeqytetin evropian delegacioni i Kosovës. Prandaj ky raund i dialogut do të nisë me një ditë vonesë. Por gjithsesi u duket e çuditshme pse delegacioni i Kosovës nuk kishte arritur me kohë mbrëmë, pasi që data dhe koha e nisjes së takimeve ishin caktuar qysh javën e shkuar. Delegacioni i Serbisë thuhet se me kohë ka arritur në Bruksel. Në BE pohojnë se mbetet e njëjta agjendë dhe të njëjtat pritje sa i përket dialogut. Dy temat e vetme kësaj radhe do të jenë bashkëpunimi rajonal dhe zbatimi i marrëveshjes për menaxhimin e kontrolluar të kufirit (që BE dhe Serbia e quajnë menaxhim të pikëkalimeve). Sa i përket bashkëpunimit rajonal në BE pohojnë se janë afër arritjes së marrëveshjes për mënyrën sesi do të përfaqësohej Kosova në nismat rajonale sikur edhe në takimet e BE-së me vendet e rajonit. Burimet e BE-së thanë se presin marrëveshje rreth formulës për pjesëmarrjen e Kosovës në nismat rajonale, përmes së cilës do të pranohet insistimi i Serbisë për përmendjen e Rezolutës 1244, por do t’i dilet në ndihmë Kosovës për të përballuar këtë duke përmendur edhe GJND-në. Rreth përmendjes së Deklaratës së Pavarësisë, në BE thanë se „nuk janë të sigurt, por mund të gjendet ndoshta mundësia e një formulimi që do ta përmendte tërthorazi“.

Pala kosovare kishte paralajmëruar se gjithsesi do të përmendet edhe Deklarata e Pavarësisë nga 17 Shkurti i vitit 2008, ndërsa pala serbe kishte hedhur poshtë një gjë të tillë. Në BE ndërkaq nuk kanë dashur të konfirmojnë as se do të përmendet e as që nuk do të përmendet. Nga disa burime diplomatike mësohet se një prej mundësive është që të përmendet në pjesën e fusnotës ku do të përmendej Mendimi i GJND-së (gjerësisht në “Kohën Ditore”).

Komente (39)Shpërndaje artikullin

• 22:33Barka “zbarkon” në mes të autostradës
• 22:28Giffoni premton rrugë për nxënësit e Mihirit
• 22:12Daçiqi konfirmon dakordimin, “më shumë punë e pret Prishtinën”
• 21:53Tre të arrestuar për falsifikim parash
• 21:46Promovohet libri “Utopia reale” e I. Berishës
• 21:43Reshje shiu, deri të dielën
• 21:32“Shqiponjës” i merren dy arinj të murrmë (Video)
• 21:29Në “Lutjet e mëngjesit”, përfaqësues të mbi 30 shteteve
• 21:07Sondazh, LDK-ja ulë ngecjen prapa PDK-së
• 20:58Magjistralja Prishtinë-Mitrovicë, me 20 milionë dollarë të BIZH-it