Jeta e tyre mision, rënia porosi

Prishtinë, 7 mars -  Kuvendi i Kosovës shënoi sot me një mbledhje solemne  “Epopenë e UÇK-së”. Seanca solemne me rastin e 15 vjetorit të Epopesë së Ushtrisë Çlirimtare të Kosovës filloi me intonimin e himnit shtetëror të Kosovës, i cili edhe këtë herë u injorua nga deputetët e Lëvizjes Vetëvendosje, ani pse nga  përfaqësuesi i saj ishte thirrur mbledhja.

Deputeti i Lëvizjes Vetëvendosje, Rexhep Selimi, tha se ky Kuvend dhe këta deputetë e kanë për obligim që të përulet me respekt për Epopenë e Jasharajve në Prekaz me 5, 6 dhe 7 mars.

Selimi ka kujtuar Shaban Jasharin, në Ditën e Mësuesit, duke çmuar punën e tij.

Ai ka thënë se rasti i flijimit të Familjes Jashari është unik në botë dhe si i tillë duhet kujtuar dhe ruajtur në vlerat më të larta të shtetit, pasi ata janë realizuesit e lirisë.

Selimi ka lexuar emrat e 56 të vrarëve të familjes Jashari në seancë.

"Popujt dhe kombet kanë historitë e tyre, popujt dhe kombet luftuan dhe vazhdojnë të luftojnë ende për liri. Në historitë e tyre, kombet kanë bërë sakrifica të mëdha për liri. Por nuk ka komb në botë ta ketë një Adem Jashar ashtu siç e ka kombi ynë. Nuk ka komb në botë të ketë një Familje Jashari, siç e ka kombi ynë. Një diplomat, kur e pa Prekazin pat thënë: “po të ekzistonte çmimi Nobel për luftë, ai do t’i takonte Adem Jasharit…” Ndoshta nuk ka çmim Nobel për luftën, por çmimin e lirisë, çmimin e luftës për liri Adem Jashari ia dhuroi kombit të vet", tha Selimi

Gjatë seancës solemne me rastin e 15 vjetorit të Epopesë së Ushtrisë Çlirimtare të Kosovës, deputetëve u është drejtuar edhe kryeministri i Kosovës, Hashim Thaçi.

Ai ka thënë se Epopeja e UÇK-së shënon me të drejtë sakrificën e familjes Jashari. Sipas tij, tri ditët e Epopesë krijuan luftën e drejtë për çlirimin e Kosovës nga okupuesit shekullorë, duke realizuar ëndrrën për Çlirim të të gjithë brezave.

Thaçi duke kujtuar të kaluarën ka thënë se UÇK-ja ishte niveli më i lartë i organizimit politik dhe ushtarak që ka njohur ndonjëherë Kosovës dhe si e tillë është cilësuar edhe si lëvizja më e suksesshme guerile e shekullit të XX-të.

Ai ka folur edhe për të tashmen duke çmuar të arriturat e tanishme dhe duke premtuar për punë të vazhdueshme në të ardhmen.

Kryeministri i Kosovës, Hashim Thaçi theksoi se rënia e Jasharajve hapi kapitullin më të madh të çlirimit të Kosovës.

“As makineria e rëndë serbe, as spastrimi etnik nuk e mposhtën qytetarin liridashës të Kosovës dhe çdo qytetar duhet të ndjehet mirë dhe krenar për kontributin e tij për liri. Kosova do t’a nderoj gjithmonë këtë sakrificë”, tha Thaçi.

Ai ka shtuar se UÇK-ja është vlerësuar në botë si guerilja më e suksesshme e shekullit të njëzet.

Ndërkohë, kryeparlamentari Krasniqi ka thënë se legjenda dhe merita i përket vetëm ati qe e meriton atë “ Merita i takon Adem Jashrit, ai është edhe legjenda. Po ku jemi e si jemi sot. E dimë që Kosova me 17 shkurt të vitit 2008 ka shpallur pavarësinë, e dimë gjendjen e familjarëve të të pagjeturve. Sot kur kujtojmë ngjarjet e para 15 viteve, më vjen të them lavdi e përjetshme të gjithë të rënëve për lirin e Kosovës”, tha Krasniqi.

Komente (4)Shpërndaje artikullin

• 23:22Morgan Freeman fle gjatë intervistës (Video)
• 23:08Gazzetta: Benitez kalon në Napoli
• 23:03Burak Yilmaz në shënjestër të Chelseat
• 22:37Walter Mazzarri merr drejtimin e Interit për dy vjet
• 22:20Prokurori kërkon paraburgim, vendimi në orën 23:30
• 22:09Obama si 17-vjeçar me të dashurën e tij
• 22:02“Ëmbëlsohet” lidhja Rita Ora-Dj Harris
• 21:53Sekuestrohen 200 kg marihuanë, dy të ndaluar
• 21:50Trendi i ri, të ngasësh veturën në dy rrota! (Video)
• 21:42Sidney vishet me ngjyra