Antikorrupsioni nën kërcënimin dhe presionin e Pacollit

Artikujt tjerë

• Kadri Veseli rekrutohet në PDK
• Ekzekutivi synon integrimin evropian me 2 mijë euro rritje të buxhetit
• PDK-ja e LDK-ja rinisin “luftën” për Akademi
• EULEX-i: Nuk mundemi vetë
• Qeveria paralajmëron denoncimin e rastit “Joviq” si shkelje të integritetit
• Bajram Rexhepi konfirmoi përgjimin e “Vetëvendosjes”
• Nxënëset që ndihmojnë spitalin në Kosovë
• Shtohen numri i kosovarëve në Zvicër
• Turqia: Veriu, pjesë e pandashme e Kosovës
• AGPK kundër presionit politik mbi mediat

Prishtinë, 1 nëntor - Agjencia Kundër Korrupsion është deklaruar të mërkurën të jetë nën presionin e zëvendëskryeministrit Behgjet Pacolli. Po kështu, zyrtarin e lartë qeveritar e ka pandehur edhe për përpjekje për t’ia prishur imazhin këtij institucioni të pavarur dhe të specializuar për zbatimin e politikave shtetërore për luftimin dhe parandalimin e korrupsionit.

Që të reagojë kësisoj, Agjencia ka marrë shkak nga deklarata që Pacolli një ditë më parë ka bërë në KTV. Aty e kishte kualifikuar si trillim dhe të ndikuar një kallëzim penal kundër tij që Agjencia e ka deponuar në Prokurorinë e EULEX-it. Numri dy i Qeverisë edhe ka kërcënuar se për këtë, zyrtarët e Antikorrupsionit do të ndodhen para përgjegjësisë.

“Agjencia Kundër Korrupsionit i hedh poshtë pretendimet publike të bëra në një emision televiziv nga ana e zëvendëskryeministrit të Republikës së Kosovës, z. Behxhet Pacolli, se kallëzimi penal i bërë ndaj tij në Prokurorinë e EULEX-it është ‘trillim’ dhe i ndikuar”, thuhet në deklaratën e Antikorrupsionit. “Pretendimet për prishjen e imazhit të saj nga një pozitë kaq e lartë politike e institucionale, Agjencia i konsideron si presion me qëllim të pengimit të realizimit të misionit të saj”.

Javë më parë Agjencia i është drejtuar Prokurorisë së EULEX-it, pas një hetimi për konflikt interesi që kishte zhvilluar ndaj Pacollit. Procesi hetimor kishte nisur pasi “Koha Ditore” pati raportuar se si ai vitin e kaluar ka nënshkruar disa memorandume të bashkëpunimit në Nigeri, në emër të bizneseve evropiane, nëpërmjet të cilave ishin dhënë zotime për investime në disa sektorë të këtij vendi afrikan. Pacolli kishte shërbyer me dokumentacion jovalid Agjencinë, në përpjekjen e tij për ta bindur këtë institucion se nuk ishte gjendur në konflikt interesi kur shtatorin e vjetëm kishte nënshkruar në Nigeri memorandumet, në emër të bizneseve evropiane. Kjo fillimisht kishte funksionuar, ngaqë Agjencia kishte mbyllur hetimet me përfundimin se nuk kishte konflikt interesi në këtë rast.

Por, gazeta menjëherë pati publikuar faksimilet e memorandumeve origjinale që e gjenin në konflikt interesi dhe Agjencia e kishte rihapur rastin. Pistën e hetimit e kishte zgjeruar, madje deri në atë shkallë sa për të vërtetuar nëse dokumentet që ia kishte ofruar Pacolli gjatë hetimeve të para kishin qenë valide apo të rrejshme. Pas disa muaj hetimesh, Agjencia ka ardhur në përfundim se Pacolli kishte falsifikuar dokumentet dhe njëkohësisht i kishte mashtruar hetuesit e saj. Prandaj, në kallëzimin penal Antikorrupsioni e pandeh se ka kryer vepër penale përmes falsifikimit dhe mashtrimit.

Më gjerësisht lexoni sot në “Koha Ditore”

Komente (27)Shpërndaje artikullin

• 22:33Barka “zbarkon” në mes të autostradës
• 22:28Giffoni premton rrugë për nxënësit e Mihirit
• 22:12Daçiqi konfirmon dakordimin, “më shumë punë e pret Prishtinën”
• 21:53Tre të arrestuar për falsifikim parash
• 21:46Promovohet libri “Utopia reale” e I. Berishës
• 21:43Reshje shiu, deri të dielën
• 21:32“Shqiponjës” i merren dy arinj të murrmë (Video)
• 21:29Në “Lutjet e mëngjesit”, përfaqësues të mbi 30 shteteve
• 21:07Sondazh, LDK-ja ulë ngecjen prapa PDK-së
• 20:58Magjistralja Prishtinë-Mitrovicë, me 20 milionë dollarë të BIZH-it