Ligjvënësit duan pensione antikushtetuese

Prishtinë, 31 tetor -  Deputetët e Kuvendit të Kosovës kanë vendosur të mos heqin dorë nga pensioni “suplementar”, pavarësisht nga fakti që Gjykata Kushtetuese një të tillë pension e ka cilësuar antikushtetues dhe “dhuratë pas punësimit”.

Grupi i ligjvënësve që është duke e bërë plotësimin dhe ndryshimin e Ligjit për të drejtat dhe përgjegjësitë e deputetëve, kanë pranuar të bëjnë lëshime vetëm në aspektin e moshës dhe në përqindjet e përfitimeve të mundshme nga pensionet e tilla, por esencialisht, thelbin e ligjit të mëhershëm pretendojnë të mos e ndryshojnë. 

Në draftin që është duke u punuar nga Nënkomisioni për mandate, imunitete dhe Rregullore të Punës së Kuvendit, parashihet që mosha e pensionimit të deputetit të jetë 60 vjeç.

Me ligjin i cili ishte pezulluar gjatë kohës nga Gjykata Kushtetuese, kjo moshë ka qenë për pesë vjet me e re, apo 55 vjeç.

Anëtarët e Nënkomisionit kanë propozuar që në masë të konsiderueshme të zbriten edhe kuotat e përfitimeve të pensionimit, varësisht nga numri i mandateve që mund të ketë ushtruar një deputet.

Kështu, për deputetin/en që ka ushtruar vetëm një mandat është paraparë pension në lartësi prej 30% të pagës bazë që merr deputeti. Aktualisht, paga e një deputeti, pa shtesa, është 1480 euro. Duke kalkuluar mbi bazën e kësaj shume, del se një deputet që ka ushtruar një mandat në të ardhmen të marrë 444 euro.



Më gjerësisht lexoni sot në “Koha Ditore” 

Komente (19)Shpërndaje artikullin

• 22:53Përfundon pa marrëveshje takimi – vazhdimi të mërkurën
• 22:30Kundërshtojnë ndërrimin e trafos (Video)
• 22:28Blog i Tymoshenkos nga burgu
• 22:24Vulin rikthehet drejtor i Zyrës për Kosovën
• 22:21Rusia zihet me Azerbajxhan për votat e Eurovisionit
• 22:19Alzetta: Ekonomia në Kosovë është në gjendje jo të keqe
• 22:16Berisha takon shefen e ODIHR
• 22:14Ashton koleksionon fotografitë e Thaçit dhe Daçiqit
• 22:13Seedorf mund të emërohet trajner i Milanit
• 22:12Mustafa ngushëllon ambasadoren Jacobson