Thaçi dhe Daçiqi kanë biseduar për hapjen e „zyrave ndërlidhëse“

Bruksel, 29tetor –  Pas më shumë se një jave, sa ka kaluar nga takimi i parë i kryeministrit të Kosovës dhe atij të Serbisë në Bruksel, „Koha Ditore“ ka arritur të mësojë edhe nga burimet ndërkombëtare se cilat kanë qenë saktësisht temat e diskutuara në atë takim dhe kah do të shkojnë përgatitjet për vazhdimin e dialogut. Deri tash vetë Thaçi dhe Daçiq për opinionin përkatës të tyre kanë dhënë versionin e vet për takimin, duke u dalluar diametralisht, ndërsa pala evropiane ka folur vetëm në mënyrë të përgjithshme, duke konfirmuar se takimi është zhvilluar dhe duke nënvizuar rëndësinë që ka dialogu për të ardhmen evropiane „si të Serbisë, ashtu edhe të Kosovës“. Javën e shkuar një zyrtar i afërt me përfaqësuesen e lartë të BE-së për Politikë të Jashtme dhe Siguri, Catherine Ashton, (emri i njohur për redaksinë) ka njoftuar shtetet anëtare të BE-së në Komitetin për politikë dhe të sigurisë PSC lidhur me takimin e zhvilluar më 19 tetor.

„Koha Ditore“ ka mësuar nga burimet diplomatike në Bruksel se çfarë ka raportuar zyrtari nga Shërbimi i veprimit të jashtëm dhe sipas kësaj shihet se në fakt që në takimin e parë Thaçi-Daçiq është folur konkretisht për disa pika, ndonëse kjo ka qenë në mënyrë joformale.

Sipas burimeve diplomatike, veriu gjithsesi është dhe do të jetë temë e dialogut dhe madje njëra ndër temat kryesore. Ndër pikat e para që pritet të diskutohet në dialog është veriu. BE-ja në platformën e saj do të kërkojë nga Serbia që të ndërpresë ushtrimin e funksioneve shtetërore në territorin e Kosovës. Por nga Kosova kërkohet që të pranojë se „veriu është ndryshe“.

Tema tjetër e takimit të parë do të jetë hapja e zyrës ndërlidhëse të Kosovës në Beograd dhe të asaj të Serbisë në Prishtinë. Pikërisht këtë diplomatët e shohin si rrugën më të mirë për të dëshmuar „përparim të dukshëm drejt normalizimit të raporteve me Kosovën“, që për Beogradin është njëri ndër kushtet kryesore për të marrë datën e nisjes së negociatave për anëtarësim në BE.

Është biseduar edhe për zbatimin e të gjitha marrëveshjeve të arritura deri tash e sidomos rreth Marrëveshjes për Menaxhimin e Integruar të Kufijve (BE-ja e Beogradi i quajnë pikëkalime). Sa i përket marrëveshjes për pjesëmarrjen e Kosovës (me fusnotë) në forumet rajonale do të insistohet që Kosova të jetë e pranishme me të njëjtën formulë edhe në forumet ndërkombëtare.

Ndër temat e para në dialog, të cilat nga aspekti teknik janë gati si marrëveshje, por duhet të arrihet një pajtim në nivel të lartë politik, janë edhe ato për telekomin dhe për energjinë (gjerësisht në “Kohën Ditore”).

Komente (2)Shpërndaje artikullin

• 14:16Conten e bindin me një Ferrari dhe 5 milionë euro pagë
• 14:08Analiza e UEFA-s, Bayerni favorit kundër Dortmundit
• 14:02Partizani i Tiranës, në sulm për dy futbollistë kosovarë
• 13:55Ferguson, trajner i vitit, Bale gati të mbetet në Tottneham
• 13:46Laçi futet në histori, fiton Kupën e Shqipërisë
• 13:30Nexhmije Pagarusha nderohet nga universiteti AAB
• 13:25Këngëtarja serbe fyen shqiptarët në Eurosong
• 13:14Zbatimi i ligjeve siguron edhe ushqim të shëndetshëm
• 13:06Lajiq: Bisedimet teknike për telekomunikimin, pas 22 majit
• 12:51LDK: Keqpërdorime dhe keqmenaxhime në kulturën e Gjilanit