Urimi i Myftiut të Kosovës me rastin e Bajramit të Vogël

Prishtinë, 25 tetor –  Me rastin e Bajramit të Vogël, siç quhej tradicionalisht nga shqiptarët tani Kurban Bajrami, i cili sivjet në Kosovë po nisë një ditë pas vëllezërve tanë në Shqipëri e Maqedoni dhe njëjtësohet me të arabëve të largët, pra nesër, Myftiu i Republikës së Kosovës u ka drejtuar urimin besimtarëve, në të cilin thuhet:

Kam nderin dhe kënaqësinë e veçantë që në emër të Bashkësisë Islame të Kosovës, organeve dhe institucioneve të saj dhe në emrin tim personal t’ju uroj festën e Kurban – Bajramit, e cila vjen si rezultat i kryerjes së Haxhit dhe prerjes së Kurbanit, dy obligime themelore në Islam,  të cilat kryhen në  kohë të caktuar dhe në mënyrë të caktuar, me të cilat shfaqet mëshira  e Allahut për besimtarët. Haxhi dhe kurbani determinojnë secila në mënyrën e vetë vlerat më fisnike e më madhore për individin dhe shoqërinë.

Kurban Bajrami është festë që ka në vete vlerën e sakrificës, devotshmërisë, solidaritetit, humanitetit, drejtësisë e barazisë mes njerëzve, me vete bart porosinë e mirëqenies dhe paqes mbarë njerëzore.

Sot, në rrafshnaltën e Arafatit  besimtarët nga të gjitha viset e botës  me përkushtimin më të madh falënderojnë Allahun dhe  i luten Atij për mëshirë e falje, për të vazhduar nesër me prerjen e Kurbanit, duke rikujtuar mëshirën e Allahut.

Në këtë ditë feste madhështore thërras të gjithë njerëzit e vullnetit të mirë që të jenë më human e solidarë, më mëshirues e tolerant, të ndihmojmë njëri tjetrin, skamnorët, jetimët, të vetmuarit dhe të gjithë ata që kanë nevojë.

Ashtu siç ju shpërndan qielli mëshirë e prodhimtari tokave që i përshkon, ashtu edhe njerëzit bujar që ndihmojnë të tjerët bëhen pretekst që mëshira e Allahut të shkoi tek nevojtarët, jetimët dhe të vetmuarit.

Allahu xh. sh. thotë:

“O njerëz! Të gjithë ju jeni, para Allahut, të varfër dhe nevojtarë! Vetëm Allahu është i pasur dhe i denjë për lavdërim. “(Fatir-15)

Në këtë ditë feste e gëzimi, thërras të gjithë besimtarët, që në zemrën dhe shpirtin e tyre të shndrit besimi i sinqertë, besimi i cili motivon dhe fuqizon zemrat tona  për unitet dhe vëllazërim mes njerëzve. Porosis që në mes nesh të mos ketë divergjenca e interesa parciale të çfarëdo lloji qofshin ato. Të bashkojmë forcën e besimit, atë intelektuale, guximin për të ecur përpara të sigurt, kjo është edhe porosia e Kurban – Bajramit, e cila qëndron fuqishëm mbi parimet Kuranore dhe porositë e Muhamedit a.s, mbi unitetin ku Allahu thotë:

“...Mos u përçani ndërmjet veti, se do të dobësoheni e do të humbni fuqinë tuaj...”(Kuran VIII:46)

Dëshiroj që në emër të Bashkësisë Islame të Kosovës edhe njëherë t’ju uroj festen e Kurban - Bajramit të gjithë vëllezërve e motrave tona, brenda trojeve tona dhe mërgatës kudo që ata gjenden.



Në këtë festë të madhe, kam nderin që edhe një herë t'ju uroj e përgëzoj për100 vjetorin e shtetësisë dhe pavarësisë së Shqipërisë, duke e lutur Allahun për unitet, mirëkuptim, tolerancë, mirëqenie, harmoni, begati, lumturi e mbarësi për të gjithë njerëzit.

Me fat ju qoftë festa e Kurban - Bajramit!, përfundon urimi i Naim Tërnavës, Myfti i Kosovës.

 

Komente (30)Shpërndaje artikullin

• 16:08Huliganët e Borussias dhe Bayernit përleshen në Londër (Video)
• 15:47Këpucë ari në kohë krize
• 15:44Brad Pitt i harron fytyrat e njerëzve
• 15:38Rritje e vazhdueshme e eksportit të mallrave shqiptare
• 15:32Kosovën dje e pastruan 132 000 qytetarë
• 15:22Dy bolidët e Mercedesit nisen të parët në Monte Carlo
• 14:38Sonte përballja Bayern-Borussia
• 14:29NBA, Indiana, arrë e fortë për Miamin
• 14:14Jahjaga fton për tolerancë në “Lutjet e Mëngjesit”
• 13:40Hezbollah: Evropa po bën gabim të madh