Pacolli i paprekshëm

Prishtinë, 25 tetor - Qeveria e Kosovës ka formuar të mërkurën një komision disiplinor për drejtorin e Agjencisë, Granit Berisha, për mbështetjen e ndërmarrjeve të vogla dhe të mesme, i cili është suspenduar disa ditë më parë. Por masa të ngjashme nuk po merr edhe ndaj zyrtarëve të lartë politikë.

Berisha ishte suspenduar ditë më parë nga ministrja e Tregtisë dhe e Industrisë, Mimoza Kusari-Lila. Vendimi ishte marrë, pasi ministrja kishte vlerësuar se ky drejtor po tregonte performancë të dobët. Drejtori në suspendim fillimisht kishte rezistuar ta lëshonte zyrën, por ministrja e kishte kërcënuar se do t’ia binte policinë.

E në Qeveri është një zëvendëskryeministër që vazhdon të mbajë funksionin, pavarësisht se dokumentet që ka publikuar gazeta e gjejnë në konflikt interesi atë. Është ky Behgjet Pacolli, që në politikë ka hyrë si një biznesmen.

Ndonëse ishte zëvendëskryeministër, me një shkresë Pacolli i është drejtuar Michael Widmannit, të cilit ia ka shprehur interesin për blerje të “Hotel Shangri-la”, të ndodhur në Am Schubertring, Vjenë. Në emër të ndërmarrjes që e kishte bërë miliarder, “Mabetex Group”, ofertën për hotelin e kishte bërë dyzet ditë pasi ishte vënë në funksionin e numrit dy të Qeverisë. Mësymjen e kishte shprehur në kohën kur i ishte dhënë fund një problemi ndërmjet Shangri-La dhe Bautraeger Austria Immobilien.

Agjencia Kundër Korrupsionit ka nisur hetimet për këtë rast.

Ndërkaq, për një rast tjetër lëndën e ka dërguar në Prokurorinë e EULEX-it. Pacolli ka qenë duke u hetuar nga kjo Agjenci për konflikt interesi, pasi “Koha Ditore” pati raportuar se si ai vitin e kaluar ka nënshkruar disa memorandume bashkëpunimi në Nigeri, në emër të bizneseve evropiane, nëpërmjet të cilave ishin dhënë zotime për investime në disa sektorë të këtij vendi afrikan.

Më gjerësisht sot në “Koha Ditore”

 

Komente (13)Shpërndaje artikullin

• 22:53Përfundon pa marrëveshje takimi – vazhdimi të mërkurën
• 22:30Kundërshtojnë ndërrimin e trafos (Video)
• 22:28Blog i Tymoshenkos nga burgu
• 22:24Vulin rikthehet drejtor i Zyrës për Kosovën
• 22:21Rusia zihet me Azerbajxhan për votat e Eurovisionit
• 22:19Alzetta: Ekonomia në Kosovë është në gjendje jo të keqe
• 22:16Berisha takon shefen e ODIHR
• 22:14Ashton koleksionon fotografitë e Thaçit dhe Daçiqit
• 22:13Seedorf mund të emërohet trajner i Milanit
• 22:12Mustafa ngushëllon ambasadoren Jacobson