Thaçi fton qytetarët për përkrahje

Prishtinë, 22 tetor – Drejtuar nga kryeministri Hashim Thaçi, qeveria e Kosovës ka zhvilluar sot mbledhje në të cilën është diskutuar për zhvillimet e fundit për dhe rreth vendit. Thaçi ka përmendur miratimin e rezolutës për normalizimin e marrëdhënieve në mes të Kosovës e Serbisë, që e ka cilësuar si “hap për të ardhmen evropiane të Kosovës”. “Ky proces ka filluar pas marrjes së udhërrëfyesit për liberalizimin e vizave, pas përmbylljes së mbikëqyrjes së pavarësisë dhe pas hartimit të dokumentit të Komisionit Evropian për Studimin e Fizibilitetit”, ka thënë ai.

Kryeministri ka thënë se pas miratimit të rezolutës nga Kuvendi i Kosovës ai është ftuar nga baronesha Catherine Ashton. “BE ka qëndrim të qartë dhe unik për të ardhmen e Kosovës. Me ndërmjetësimin e baroneshës Ashton dhe me mbështetjen e SHBA-së është realizuar takimi me kryeministrin serb Daçiq, ku është biseduar për normalizimin e marrëdhënieve ndërmjet dy vendeve. Në atë takim është diskutuar për raportet mes shtetit të Kosovës dhe Serbisë, për implementimin e marrëveshjeve të arritura, për anëtarësimin e  Kosovës në organizata ndërkombëtare dhe për shpërbërjen e strukturave paralele në veri”, ka thënë kryeministri, sipas të cilit “Bashkimi Evropian ka kërkuar që Serbia të sillet në mënyrë evropiane me Kosovën dhe të heqë dorë nga veprimet cenuese të integritetit dhe sovranitetit të Kosovës”.

Pasi ka cekur përkrahjen nga spektri politik dhe takimin që ka zhvilluar me ambasadorët e vendeve të Quintit.

Ai i ka bërë një vështrim edhe demonstratës së sotme të organizuar nga Vetëvendosje, duke e vlerësuar atë si një veprim të izoluar dhe duke thënë se këto janë recidive të kundërshtimeve të mëhershme që kanë qenë edhe kundër bisedimeve në Rambouillet, që kanë kundërshtuar administrim  ndërkombëtar, që kanë kundërshtuar edhe Planin e Ahtisaarit. Po këta e pritën ftohtë edhe deklaratën e pavarësisë së Kosovës më 17 shkurt 2008, tha kryeministri.

Thaçi ka vlerësuar se këta zëra dhe këta individë janë në përputhje me agjendën e kundërshtarëve të pavarësisë së Kosovës.

“Kosova e ka mbështetjen e plotë të BE, SHBA dhe NATO-s. Javën e ardhshme do ta kemi në vizitë sekretarin e Jashtëm të Britanisë së Madhe, po ashtu në ditët në vijim vendin tonë  do ta vizitojë edhe sekretarja e Shtetit, Hillary Clinton, në mbështetje të konsolidimit të Kosovës”, theksoi kryeministri, kurse krejtësisht në fund ai ka ftuar “gjithë spektrin politik dhe të gjithë qytetarët e vendit, pa dallim, që bashkërisht të angazhohen në përkushtimin për ndërtimin dhe zhvillimin e Kosovës demokratike të lirë dhe të prosperuese për të gjithë qytetarët e saj”.

Komente (11)Shpërndaje artikullin

• 02:02Vdes ylli i “Sopranos”, James Gandolfini
• 22:37Protesta pro dhe kundër Erdoganit në Tiranë, arrestohen 4 persona
• 22:33Gjermanët nuk shkojnë në inaugurimin e investimit të tyre
• 22:26Afrohet dita e lindjes për Kate Middletone
• 22:21Cyrus: Alkooli, më i dëmshëm se bari
• 22:14Rita: Mamasë nuk i pëlqen si dal në skenë
• 22:05Gattuso nis aventurën si trajner i Palermos
• 21:56Capello refuzon PSG-në, Real Madridi pa Ancelottin
• 21:44Bild: Ja 10 sportistët më të mirë të të gjitha kohërave
• 21:35“Miqtë e Sirisë” mblidhen të shtunën në Doha