Thaçi – Daçiq, versione të ndryshme për detajet e takimit

Prishtinë, 20 tetor – (E plotësuar) Kryeministri i Kosovës, Hashim Thaçi dhe ai i Serbisë, Ivica Daçiq, kanë dhënë versione të ndryshme për detajet e takimit të djeshëm. Teksa serbi ka mohuar duarshtrëngimin, shqiptari ka thënë se një gjë e tillë ka ndodhur, sipas protokollit evropian. Thaçi ka shprehur besim që përfundimi i dialogut do të rezultojë me shpërbërjen e strukturave paralele, kurse Daçiq ka thënë se qëllimi është që të zgjidhen problemet konkrete të njerëzve. 24 orë pas takimit tashmë është bërë publike edhe fotografia e takimit, raporton KTV.
Kjo është fotoja e takimit, për detajet e të cilit ka versione të ndryshme.
Bashkimi Evropian e ka publikuar me një ditë vonesë fotografinë, në të cilën shihen 6 persona.
Kryeministrave Thaçi e Daçiq u qëndrojnë në mes Ashton dhe Gentilini.
Secili ka afër një këshilltar, kryeministri Thaçi në këtë rast Bekim Çollakun.
Por, ajo që nuk shpjegon fotografia e takimit është nëse dy liderët shtetërorë Kosovë-Serbi u përshëndetën?
Daçiq i Serbisë tha se nuk pati duarshtrëngim, por Thaçi, i Kosovës tha se i shtriu dorën kundërshtarit të tij të dikurshëm.
Duke folur për emisionin Interaktiv në KTV, kryeministri tha se gjithçka u bë me protokollin evropian.
Ai theksoi se nuk është e lehtë për askënd të ketë takime me përfaqësues të shtetit serb, për shkak të së kaluarës së hidhur, dhe ai nuk ishte entuziast për këtë.
Ndër të tjera, sipas kryeministrit, këto takime do të rezultojnë edhe me shpërbërjen e strukturave paralele në pjesën veriore të Kosovës.
Pohimit të Daçiqit se Kosova është e tij po aq sa është edhe e Thaçit, kryeministri iu përgjigj atij se me ligjet në fuqi dhe me Kushtetutën e Kosovës, mund ta ketë edhe nënshtetësinë e Kosovës.
Kryeministri i Serbisë, Ivica Daçiq, tha sot se Qeveria e tij prej nesër do ta fillojë punën në përgatitjen e platformës për bisedime me Prishtinën.
Ai u tha  gazetarëve se dialogu me Prishtinën nuk ka të bëjë me statusin e Kosovës, por me zgjidhjen konkrete të problemeve.
Ish-zëdhënësi i Millosheviqit, theksoi se Thaçi është negociator më me përvojë se ai, pasi ka marrë pjesë në negociatat në vitin 2006 dhe në ato në vitin 1998 në Rambuje.
“Pasi kam luftuar kundër Thaçit, përse tash të mos zhvilloj negociata”, u tha Daçiq gazetarëve në qytetin Vërbas.
Një takim i ri është paraparë për muajin e ardhshëm. 

Prishtinë, 20 tetor - Kryeministri i Kosovës, Hashim Thaçi, në një bisedë telefonike nga Brukseli për emisionin Interaktiv të KTV-së, ka thënë se takimi me homologun e tij Ivica Daçiq shënon një kapitull të ri për normalizimin e marrëdhënieve ndërmjet dy shteteve. “Është kërkuar që të punohet më intensivisht për implementimin e marrëveshjeve teknike të arritura me ndërmjetësimin e BE-së”, ka thënë Thaçi. Ai ka theksuar se nuk është e lehtë për askënd të ketë takime me përfaqësues të shtetit serb për shkak të së kaluarës së hidhur. “Në raport me Serbin, e kujtojmë të kaluarën e hidhur, gjenocidin dhe ardhjen e tyre me dhunë. Por gjithashtu nuk duhet harruar se në fund Kosova ka fituar, është shtet i pavarur dhe sovran, por kjo nuk mjafton pasi Kosova synon integrimin në BE dhe në NATO. Prandaj ne nuk mund të jetojmë me të kaluarën por duhet të jetojmë për një jetë më të mirë për fëmijët tanë”, është shprehur Thaçi.

Thaçi ka pohuar se në takim me Daçiqin kanë pasur një shtrëngim duarsh, ashtu siç e sheh protokolli dhe rregullat e takimeve. Për dallim nga ky, kryeministri serb dje ka thënë për mediumet e vendit të tij se nuk ka pasur shtrëngim duarsh me Thaçin.

Kryeministri i Kosovës në Interaktiv ka thënë se në takimin e së premtes është hapur edhe tema e të pagjeturve. Ndër të tjera, sipas kryeministrit, këto takime do të rezultojnë edhe me shpërbërjen, siç ka thënë ai, definitive të strukturave paralele në pjesën veriore të Kosovës.

I pyetur nëse në këto takime do të diskutohet për veriun e vendit, shefi i qeverisë kosovare edhe një herë ka përsëritur se për çështjet e brendshme të Republikës së Kosovës nuk do të bisedohet me askënd. Thaçi në takim i është përgjigjur me humor homologut të tij serb, Daçiq, kur ky i fundit i ka thënë se Kosova është e tij po aq sa është edhe e Thaçit. “Me ligjet në fuqi dhe Kushtetutën e Kosovës mund t’i keni dy shtetësi, dhe Kosova po ashtu garanton dhe respekton të drejtat e të gjitha komuniteteve”, i ka thënë Thaçi Daçiqit. 

Komente (36)Shpërndaje artikullin

• 22:39Nga Serbia duhet të kërkohet kompensimi i dëmeve të luftës
• 22:30Peja shpallet kampione e BKT Superligës
• 22:21Tahiri priti biznesmenë nga Bursa
• 22:20Gjykata ukrainase nuk lejon mbajtjen e marshit homoseksual
• 22:19Daçiq porosit serbët e Kosovës të dalin në zgjedhje
• 22:15Gjermania, vendi më pozitiv në botë, Irani më negativi
• 22:12Niko Komani “i fut duart” Gentës
• 22:03Më shumë produkte të rrezikshme në Evropë
• 22:01Hitzfeld: Votoj për Bayernin, për shkak të Shaqirit!
• 21:50Ancelotti i sugjeron Real Madridit blerjen e Cavanit