Arrestimi i Sami Hamitit përplas PDK-në e LDK-në në Kuvend

Prishtinë, 13 shtator - Arrestimi i kryesuesit të Kuvendit Komunal të Prishtinës, Sami Hamiti, nxiti debat edhe në Kuvendin e Kosovës, raportoi KTV-ja. Deputeti i PDK-së, Berat Buzhala kritikoi LDK-në se pse ende nuk ka dalë me asnjë deklaratë rreth arrestimit të Hamitit, i cili njëherësh është edhe zyrtar i lartë i LDK-së. “Arrestimi i kryesuesit të Asamblesë së Prishtinës, Sami Hamitit, dhe mungesa e reagimit nga LDK-ja ka shkaktuar shqetësim të jashtëzakonshëm tek qytetarët. Njerëzit janë në huti për lejet që i kanë marrë, banesat që i kanë fituar dhe a është kjo gjithmonë e lidhur me krimin e organizuar dhe a do të vazhdohen ato leje”, ka thënë Buzhala.

I menjëhershëm ka qenë reagimi i kryetarit të grupit parlamentar të LDK-së, Ismet Beqiri. Ai kërkoi nga deputeti Buzhala që t’i shikojë punët dhe bizneset e veta e jo të merret me LDK-në.

“Është interesant se ky njeri nuk është mësuar kurrë t’i shikojë punët e veta, e bizneset e veta, e mos me u mundu me mësu LDK-në se çka duhet të bëjë. Ne jemi që në këtë vend të sundojë ligji. Hamiti është kryesues i Kuvendit, është marrë në bisedë. Asnjëherë LDK-ja s’i ka treguar këtij njeriu se sa kryetarë të komunave i ka nën hetime. Ne jemi fytyra publike, është shumë normale edhe të hetohemi, por argumentet duhet me ja  lënë drejtësisë e prokurorisë”, ka thënë Beqiri.

Ndërkohë tri ditë pas përfundimit të mbikëqyrjes së pavarësisë deputeti PDK-së, Arsim Bajrami, ka kritikuar protokollin e shtetit, duke thënë se ai lë shumë për t’u dëshiruar. Bjrami përmendi konferencën e organizuar me këtë rast nga institucionet e Kosovës e ku të pranishëm ishin shumë personalitete ndërkombëtare, por që u injoruan ato vendore.



Në seancën e sotme të Kuvendit të Kosoves, deputetët   shqyrtuan për herë të parë dhe miratuan Projektligjin për procedurën përmbarimore, Projektligjin për Agjencinë për menaxhimin e komplekseve memoriale të Kosovës, dhe në këto momente po shqyrtojnë Projektligjin për ujërat e Kosovës.

Ndërkaq për herë të dytë, do të shqyrtohen: Projektligji për ndryshimin dhe plotësimin e Ligjit për Procedurën kontestimore, Projektligji për bujqësinë organike dhe Projektligji për ndryshimin dhe plotësimin e Ligjit për Bujqësinë dhe zhvillimin rural.

 

Komente (5)Shpërndaje artikullin

• 09:03Kosova i rikthehet hekurudhës
• 08:57Humb jetën në udhëkryqin te Katedralja në kryeqytet
• 08:47ESBI kërkon shpërblim për punët në KEK
• 08:44Teherani paralajmëron Tiranën për muxhahedinët
• 08:43Vazhdon telenovela e kardiokirurgjisë në QKUK
• 08:42KQZ me 4 anëtarë e ligjshme, por jo e besueshme
• 08:35Zbatimi i Marrëveshjes, kusht i BE-së për Prishtinën e Beogradin
• 08:33Vuçiq akuzon Prishtinën se kërkon ndryshimin e Marrëveshjes
• 22:33Peja mposht Sigalin, afër shpalljes kampion
• 22:27Rikthehen incidentet ndëretnike, rrihen dy shqiptarë