Dështojnë vetë, kritikojnë KFOR-in

Prishtinë, 12 gusht - Pothuajse sa herë që përballen me dështim në sektorin e tyre, ministra të caktuar të Qeverisë së Kosovës gjejnë “fajtorin”, i cili asnjëherë nuk buron te ta apo dikasteret që i drejtojnë.

Në të shumtën e rasteve kur flasin për veriun e vendit, dështimin për të vendosur rend dhe ligj në këtë zonë për dy mandate rresht, qeveritarët e vendit ia atribuojnë bashkësisë ndërkombëtare, Misionit të Bashkimit Evropian për Sundim të Ligjit (EULEX), apo pjesëtarëve të KFOR-it, shkruan gazeta Zëri.

Vetëm Prishtina zyrtare nuk ka faj, sipas tyre. E për të mbajtur “fajtorin” në opinion, duket se më së shumti kujdeset ministri i Punëve të Brendshme, Bajram Rexhepi, i cili në secilën paraqitje publike akuzon herë KFOR-in e herë EULEX-in, se nuk janë në “nivel të detyrës” në raport me veriun.

Së fundi ai ka kritikuar ashpër KFOR-in, i cili sipas tij, nuk po tregon interesim që ta heqë barrikadën e vetme që ka mbetur pa u hequr në veri – atë mbi urën e lumit Ibër.

Por, edhe komandanti i kësaj force ushtarake në Kosovë, gjenerali Erhard Dreës, nuk ka ndenjur duarkryq ndaj akuzave të Rexhepit, të cilit ia ka bërë me dije se për të vendosur rendnin dhe ligjin në veri nevojitet veprim politik dhe jo forcë.

Komente (5)Shpërndaje artikullin

• 19:57Kanadaja e interesuar për investime në kryeqytet
• 19:51Në vend të Pecit, në Beograd shkon Valdet Sadiku
• 19:31MPJ-ja reagon, Peci tejkaloi kompetencat
• 19:19E shtyn Thaçi ratifikimin, e shtyn edhe “Vetëvendosje” protestën
• 19:10Bie në pranga për kontrabandë me armë
• 19:04Rihanna kurohet nga varësia (edhe seksuale)
• 18:58Invalidët civilë të luftës kërkojnë rritje të pensioneve
• 18:49Dolce&Gabbana dënohen me 20 muaj burg
• 18:40Me pension nuk shkohet në pushim as për një javë
• 18:30Varfëria ekstreme, kërcënim për trazira sociale