Vetëvendosje partive opozitare: Mos bëni koalicion me PDK-në

Prishtinë, 25 korrik - Drejtues të lëvizjes Vetëvendosje u kanë bërë thirrje partive opozitare që të mos bëhen pjesë e koalicionit me Partinë Demokratike të Kosovës, “pasi ai nuk do t’i sjellë asnjë të mirë vendit”.

“Lëvizja Vetëvendosje! iu bën thirrje të gjitha subjekteve opozitare të mos i bashkohen PDK-së në një koalicion të korruptuar qeverisës, i cili do të krijohet për t’ia dhënë veriut autonominë e kontrolluar nga Beogradi” , u shprehen ata gjatë një konference për shtyp, duke i komentuar shkrimet e fundit në media për një koalicion të ri të mundshëm në mes të PDK, AAK-së, apo edhe të partive të tjera, kanë ftuar të gjitha partitë opozitare në Kosovë që të mos bëhen pjesë e qeverisjes me PDK-në, e cila qeveri nuk i ka sjellë asnjë të mirëve pos dëme Republikës së Kosovës. Sipas tyre, PDK është në kërkim të një koalicioni të ri dhe kjo po bëhet për tri gjëra; dhënien e autonomisë për veriun e Mitrovicës, shitja e Trepçës dhe të PTK-së.

“Tash po bëhet një vit prej ndërhyrjes së forcave speciale të policisë në veriun e Kosovës për vënien nën kontroll të pikave 1 dhe 31. Tash një vit ra në krye të detyrës Enver Zymberi. Kurse kryeministri dhe kjo Qeveri e cila atë kohë betohej mbi rënien e heroit, sot po përgatitet që për veriun të negociohet me Beogradin”, tha para gazetarëve Glauk Konjufca, duk shtuar se sa më shumë po afrohen negociatat e Qeverisë sonë me Beogradin për veriun e Kosovës, aq më shumë po ka probleme koalicioni qeverisës aktual.

Konjufca po ashtu komentoi vizitën e kryeministrit në Bruksel. Vizita, siç u shpreh ai, në ditën e gjashtëvjetorit të fillimit të bisedimeve për statusin e Kosovës erdhi edhe Ban Ki-Mun-i në Kosovë, kurse kryeministri Thaçi udhëtoi për në Bruksel për t’u takuar me baroneshën Ashton. Kryeministri ynë asnjëherë nuk ka shkuar për ndonjë temë tjetër përveç asaj të dialogut me Serbinë.

Edhe lideri i kësaj partie, Albin Kurti, duke iu referuar dialogut në Bruksel, theksoi se ai po zhvillohet “pa kurrfarë kushtesh për Serbinë, po e amniston dhe rehabiliton Serbinë për krimet e tmerrshme të luftës, krimet kundër njerëzimit dhe gjenocidin e saj. Për më keq, ky rehabilitim e amnistim po bëhet për segmentin më ekstrem të politikës serbe: Nikoliqin dhe Daçiqin, që të dy këta bashkëpunëtorë e vartës të Milosheviqit. Në anën tjetër, për shkak të këtij dialogu, po tolerohen edhe qeveritarët e korruptuar të Kosovës të prirë nga kryeministri Thaçi”.  Siç u shpreh ai “Dialogu me Serbinë për veriun e Kosovës është dialog për krimin dhe dialog me krimin”. Kurti iu kthye edhe njëherë marrëveshjes

Pacolli-Thaçi-Mustafa për presidenti, që “tashmë është zhvlerësuar. Besoj të jetë bërë e qartë edhe për LDK-në që ajo nuk ia ka shkurtuar mandatin kësaj qeverie në dy vjet e gjysmë”.

Siç u shpreh ai “Çdo ditë që kjo qeveri qëndron në pushtet, qytetarët e Kosovës humbin pjesë nga pavarësia e shtetit, humbin pjesë të pasurisë publike të Kosovës, humbin pjesë të buxhetit të Kosovës dhe humbin pjesë të territorit të shtetit tonë.  Çdo orë që kjo qeveri qëndron në pushtet, qytetarët humbin gjasat që një ditë Kosova të bëhet shtet normal, sovran dhe i zhvilluar ekonomikisht.”

Komente (10)Shpërndaje artikullin

• 22:53Përfundon pa marrëveshje takimi – vazhdimi të mërkurën
• 22:30Kundërshtojnë ndërrimin e trafos (Video)
• 22:28Blog i Tymoshenkos nga burgu
• 22:24Vulin rikthehet drejtor i Zyrës për Kosovën
• 22:21Rusia zihet me Azerbajxhan për votat e Eurovisionit
• 22:19Alzetta: Ekonomia në Kosovë është në gjendje jo të keqe
• 22:16Berisha takon shefen e ODIHR
• 22:14Ashton koleksionon fotografitë e Thaçit dhe Daçiqit
• 22:13Seedorf mund të emërohet trajner i Milanit
• 22:12Mustafa ngushëllon ambasadoren Jacobson