Nesër në kryeqytet varroset poeti Podrimja
Artikujt tjerė
- Një vit pas aksionit të policisë në veri, situata mbetet e njëjtë
- Bruksel: Kryeministri Thaçi takoi baroneshën Ashton
- MSH: Procedurat për drejtorë të klinikave në QKUK, të rregullta
- Ministri Beqaj në vizitë dy ditore në Gjermani
- LDK: Marrëveshja për presidentin duhet të implementohet në tërësi
- Rritja e pagave për zyrtarët, vendim për interesa personale
- Krasniqi ngushëllon për vdekjen e kryetarit të Ganës
- Vetëvendosje partive opozitare: Mos bëni koalicion me PDK-në
- Pacolli ngushëlloi zëvendëskryetarin e Ganës
- Kryeministri Thaçi po qëndron në Bruksel
Prishtinë, 25 korrik - Akademia e Shkencave dhe e Arteve e Kosovës njofton se varrimi i akademik Ali Podrimjes do të bëhet më 26 korrik 2012, në orën 14:30, në varrezat e Prishtinës, bëri të ditur përmes një komunikate për medie ASHAK.
Homazhet në nderim të jetës dhe veprës së akademik Podrimjes mbahen në mjediset e Akademisë po më 26 korrik, prej orës 12:00-14:00.
Kortezhi me trupin e pajetë të akademik Podrimjes niset për në banesën e tij të fundit nga selia e Akademisë në orën 14:00.
Trupi i pajetë i poetit Ali Podrimja është paralajmëruar se më Aeroportin e Prishtinës do të arrijë nesër, në orën 8 e 55 minuta.
Ali Podrimja u gjet i vdekur në një vendpiknik në rrethinë të Lodève, në jug të Francës. Ai kishte shkuar atje si përfaqësues i Shqipërisë në Festivalin e Poezisë La Voix de la Mediterranée (Zëri i Mesdheut”.
Ministria e Punëve të Jashtme e Republikës së Kosovës ka marrë të gjitha masat dhe ka kryer të gjitha procedurat e nevojshme për të sjellë në Kosovë trupin e poetit të madh kosovar, Ali Podrimja, i cili u gjet i vdekur të shtunën, në afërsi të qytetit Lodève të Francës, njoftoi përmes një komunikate MPJ.
Me vendim të ministrit të Punëve të Jashtme të Kosovës, Enver Hoxhaj, Ministria e Jashtme, përmes Ambasadës së Kosovës në Paris, përveç angazhimit maksimal për gjetjen e poetit Podrimja, tashmë ka përfunduar të gjitha procedurat e nevojshme dhe ka aranzhuar plotësisht transportin e trupit të poetit Podrimja në atdhe. Trupi i poetit Podrimja pritet të arrijë në Aeroportin Ndërkombëtar të Prishtinës “Adem Jashari”, nesër ( e enjte) në ora 8 e 55 në mëngjes, nga Gjeneva.
Ambasada e Kosovës në Francë gjatë të premtes në Paris, do të mbajë një akademi përkujtimore për nder të jetës dhe veprës së poetit Podrimja, ku pritet të marrin pjesë trupi diplomatik i akredituar në Paris, përfaqësues të institucioneve franceze, poetë, shkrimtarë e intelektualë francezë si dhe qytetarë të tjerë.
Driton Bakija Gjakove 25.07.2012/18:33
Poetit ,Ali Podrimja do te nderohet shume vepra e tije.Ai ne atdheun e tije,Kosoven do cmohen shume vlerat e tije poetike.