Nisin grevën 700 punëtorë të “Trepçës”, të pakënaqur me AKP-në

Mitrovicë, 17 korrik - Kanë hyrë grevë rreth 700 punëtorë të “Trepçës”, në shenjë pakënaqësie ndaj AKP-së, e cila e ka emëruar për ushtrues detyre, Eset Ujkanin. Sabri Ismaili, përfaqësues i sindikatës, ka thënë se  punëtorët do të qëndrojnë në grevë deri në plotësimin e kërkesave të tyre. “ Punëtorët do të qëndrojnë deri  nesër në ora 09:00 ku dhe do të merret ndonjë vendim”, ka bërë të ditur Ismaili. Ai gjithashtu ka thënë se punëtorët kujdestarë po zhvillojnë grevën në horizonte, ndërsa të tjerët në një sallë të minierës. Burimet e KTV-së thonë se grevës së minatorëve  të “Trepçës” u janë bashkuar edhe minatorët e Artanës dhe të Kishnicës. Gjatë ditës minatorët e kishin ndërprerë punën duke kërkuar që të vijnë kryeparlamentari Jakup Krasniqi, ish-menaxheri Ferat Shala dhe një përfaqësues i Qeverisë.


 

Mitrovicë, 17 korrik - Minatorët nuk e njohin vendimin e AKP-së për emërimin e Eset Ujkanit për
ushtrues të detyrës së menaxherit të Kombinatit Trepça. Ata kërkojnë që
deri në zgjedhjen e menaxherit të ri, të emërohet dikush nga njohësit e
minierave: Halil Qela, Beqir Maliqi, Miftar Hyseni. Ky vendim është
marrë në një mbledhje të Sindikatës së Minatorëve.

Dorëheqja e menaxherit të Trepçës, Ferat Shala dhe emërimi nga AKP-ja i Eset Ujkanit për ushtrues të detyrës,  ka nxitur pakënaqësinë e minartorëve. Të martën, pas daljes nga horizontet të ndërrimi i tretë, minatorët e ndërrimit të parë nuk zbritën poshtë në horizonte, por u mblodhën para hyrjes së minierës, duke refuzuar që ta nisin punën, raportoi pak më parë korrespondenti i “Kohës Ditore” nga Mitrovica.

Minatorët kërkojnë sqarim se çfarë po bëhet dhe çfarë do të ndodhë me Trepçen. Ata kërkuan që para minatorëve të vijnë kryeparlamentari Jakup Krasniqi, ish-menaxheri Ferat Shala dhe një përfaqësues i qeverisë.

Sabri Ismaili, përfaqësues i SP, tha se këto kërkesa, sidomos ajo e fundit për prezencën e kryeparlamentarit Krasniqi, Ferat Shala dhe një përfaqësuesi të qeverisë, duhet të përmbushet deri në orën 18:00, të martën, në të kundërtën minatorët do të nisen këmbë për në Prishtinë ose do të zbresin në horizonte për të hyrë në grevë.

“Me Trepçen po duan të veprojnë sikurse me “Ferronikelin” dhe me ndërmarrjet tjera, që ta shkatërrojnë ekonominë e Kosovës”, ka thënë ai.

Me minatorët e tubuar janë përpjekur të bisedojnë përfaqësuesi i AKP-së, Fatos Meqa, Eset Ujkani, ushtrues i detyrës së menaxherit të Trepçës, por edhe menaxheri i Flotacionit, Miftar Hyseni, por ata nuk janë lejuar të flasin. Minatorët e revoltuar i kanë urdhëruar ata që të dalin jashtë, në të kundërtën, “mund të ndodhë gjithçka”.

Gjatë gjithë kohës, minatorët kanë brohoritur: “Nuk lejojmë privatizimin e Tepçës”, si dhe “Nuk e njohim AKP-në“.

Minatorët janë në pritje të përmbushjes së kërkesave të shtruara.

Komente (2)Shpërndaje artikullin

• 22:31Ambrosini këtë javë zyrtarizohet te Fiorentina
• 22:28Australia kualifikohet në Botërorin "Brazili 2014"
• 22:24Luca Toni vazhdon karrierën në Francë
• 22:19Barça në garë për Matan
• 22:15Guarin largohet nga Interi
• 22:10Në Guantanamo, 46 të pafajshëm mbeten në burg
• 21:55Irlanda përkrahë përspektivën evropiane të Kosovës
• 21:47Vetëvendosje djeg “Marrëveshjen me Serbinë”
• 21:43Berisha e Fejzullahu barazojnë me skuadrat e tyre
• 21:35Veton Berisha u kthehet stërvitjeve