LDK e AKR s’pajtohen me vendimin e Kushtetueses

Artikujt tjerë

• Burgimi i përjetshëm, dënim kapital në Kosovë
• Makolli: Kushtetuesja nganjëherë po i tejkalon kompetencat
• Rasmusen sot në Kosovë në krye të një delegacioni të Këshillit Veriatlantik
• Stafi i Bukoshit vazhdon punën në qeveri, pa shefin
• Thaçi do t’i rritet rroga për 882 euro
• Qeveria financon prokurorët specialë në mënyrë të paligjshme
• Thaçi, i preferuar për dorëheqje
• AGPK dënon sulmin fizik ndaj Halil Matoshit
• Kritikat ndaj qeverisë i kthehen me kërcënime OEK-ut
• Kuçi kthehet në Qeveri pa u hequr nenet

Prishtinë, 10 korrik - Dy partitë që s’po pajtohen me vendimin e Kushtetueses për mandatin e Atifete Jahjagës nuk pranuan të komentojnë porositë e zyrtarit të lartë të shtetit amerikan, Philip Gordon, se vendimi i Gjykatës duhet të respektohet. LDK-ja e AKR-ja thonë se nuk kanë ndryshuar qëndrim sa i përket çështjes, raporton KTV. Por, refuzojnë të japin një përgjigje për porosinë e zyrtarit të lartë amerikan, Philip Gordon.
Vizita e ndihmës-sekretarit amerikan të Shtetit, Philip Gordon, në Prishtinë të hënën dhe fjalët që i tha pas takimit me kryetaren Atifete Jahjaga, duket t’i ketë heshtur partitë që kundërshtojnë vendimin e Kushtetueses për mandatin e kryetares.
Nga Presidenca e Kosovës zyrtari amerikan Gordon ka porositur se vendimi i Gjykatës Kushtetuese që thotë se Jahjaga ka mandat të plotë pesëvjeçar, duhet të respektohet në Kosovë.
Nga ana tjetër, zyrtarë të dy partive politike, Lidhjes Demokratike të Kosovës dhe Aleancës Kosova e Re, në prononcimet e tyre publike nuk janë pajtuar me vendimin e kësaj Gjykate.
Por, kur janë kontaktuar nga KohaVisioni për të komentuar deklaratat e zyrtarit të lartë të shtetit amerikan, të dy partitë nuk kanë pranuar të flasin para kamerës.
Shefi i grupit parlamentar të LDK-së, Ismet Beqiri, ka thënë përmes telefonit se krejt çfarë kanë pasur për të thënë e kanë shprehur të hënën pas mbledhjes së Kryesisë së Kuvendit dhe se nuk kanë ndryshuar qëndrim.
“Për deklaratat e Gordonit nuk kemi koment”, ka qenë përgjigjja e Beqirit.
Njëjtë pothuajse është shprehur edhe shefja e grupit parlamentar të Koalicionit Kosova e Re, Myzejene Selmani.
Lidhja Demokratike e Kosovare dhe Aleanca Kosova e Re kanë dalë me vlerësimet se është shkelur Marrëveshja e arritur në prillin e vitit të kaluar që e bëri Jahjagen shefe të shtetit.

Sipas marrëveshjes së asaj kohe, gjashtë deri nëntë muaj pas hyrjes në fuqi të ndryshimeve kushtetuese do të mbaheshin zgjedhjet presidenciale për t’u zgjedhur presidenti nga qytetarët.
Por vendimi i Kushtetueses duket se do ta rrezikojë reformën kushtetuese.
Fajtor për këtë LDK-ja e ka bërë direkt kryeministrin Thaçi, ndërsa vendimin e Gjykatës e kanë quajtur të ndikuar politikisht dhe një mendim joobligativ për Jahjagën.
Ndërsa, partia tjetër, AKR-ja, shpreson ende në vullnetin e mirë të Atifete Jahjagës, duke besuar se ajo do ta respektojë marrëveshjen e treshes politike, Thaçi-Mustafa-Pacolli.
Ndërsa kryetari i PDK-së, Hashim Thaçi, njëherësh kryeministër, tashmë e ka thënë mendimin e tij, vendimi i Gjykatës Kushtetuese duhet të respektohet.

Komente (6)Shpërndaje artikullin

• 10:36Marchisio drejt Menjus
• 10:28Shembet ura 300-vjeçare e Shën Prodhonit në Voskopojë
• 10:20Dodik: Të huajt po e dënojnë dhe po e poshtërojnë Serbinë
• 10:14Juve siguron Zunigën
• 10:09Katër të rinj nga Dukagjini merren peng nga një shtetas grek
• 09:47Shpërthimi në Hënë (video)
• 09:31Diploma “doktor nderi” për ish - kryeministrin 1 milion dollarë
• 09:02Sot-ndeshja e fundit për Fergusonin
• 08:54Operacion antidrogë Ohër - Strugë, kapen 150 kg marihuanë
• 08:49Haziri hamendet për garë për postin e kreut të Gjilanit