Zgjedhjet e parakohshme presidenciale varen nga Jahjaga

Artikujt tjerë

• Vjosa Osmani: Kushtetuesja nuk dha vendim, por vlerësim
• Krasniqi: Akt i shëmtuar e i neveritshëm
• Vdiq Ilmi Cana, dëshmitar i masakrës së Tivarit
• Thaçi e Tadiq shtrëngojnë duart në Dubrovnik (video)
• Jahjaga dënon vrasjen e dy qytetarëve serbë të Kosovës
• Kosova anëtarësohet në Shoqatën evropiane të Matematikës
• Hoxhaj në Dubrovnik: Kosova, modeli më i suksesshëm
• Thaçi dënon vrasjet në Talinovc
• Zbogar mirëpret vendimin e Kushtetueses
• Dell: Korrupsioni, sfida kryesore për Kosovën

Prishtinë, 7 korrik - Një vendim i Jahjagës për të mbetur në krye të shtetit deri më 2016, mund ta bllokojë reformën kushtetuese dhe zgjedhore, e cila burimin e ka në  Marrëveshjen politike të 6 prillit 2011, produkt i së cilës është edhe vetë ajo. Palët në marrëveshje kanë paralajmëruar se do t’i votojnë ndryshimet kushtetuese vetëm atëherë kur Jahjaga do të largohet nga Presidenca. Presidentja Atifete Jahjaga mund të qëndrojë në krye të shtetit edhe katër vjet. Të drejtën për ta çuar deri në fund mandatin presidencial pesëvjeçar ia ka konfirmuar Gjykata Kushtetuese, të premten.

Kabineti i presidentes nuk ka qenë në gjendje të japë shpjegime nëse Jahjaga do ta respektojë vendimin e Gjykatës Kushtetuese, duke mos e ndërprerë mandatin presidencial para kohe, apo, do ta respektojë marrëveshjen e trojkës politike dhe do të japë dorëheqjen nga posti që e mban.

Marrëveshja e treshes Thaçi-Mustafa-Pacolli, e cila u arrit me qëllim të tejkalimit të ngërçit institucional dhe më pas u mbështet me Rezolutë të Kuvendit të Kosovës, ka përcaktuar afate kohore për shkuarje në zgjedhje të parakohshme presidenciale dhe të përgjithshme. Konform saj, janë ngritur edhe komisionet parlamentare që merren me amendamentimin e Kushtetutës dhe Ligjit për zgjedhje. Komisioni për amendamentimin e Kushtetutës është ngritur më 22 prill 2011, dhe ka pasur kohë 6 deri 9 muaj për ta kryer misionin e ngarkuar nga Kuvendi i Kosovës. Zgjedhjet presidenciale ishte paraparë të mbaheshin më së voni 6 muaj nga data kur ndryshimet kushtetuese të hynin në fuqi. Orientimisht, pritej që zgjedhjet presidenciale të mbahen në vjeshtën e këtij viti, për t’iu hapur rrugë zgjedhjeve parlamentare një vit më pas, përkatësisht më 2013. Por procesi u ngadalësua. Pakoja e parë me amendamente të hartuara nga Komisioni ad hoc parlamentar është proceduar në Gjykatën Kushtetuese, tek më 23 mars. Dhe kur kishin mbetur më pak se dy javë për të marrë përgjigje nga Kushtetuesja, Gjykatës i shkoi një pako e re me amendamente, jo në emër të Komisionit, por të një grupi deputetësh. Këta të fundit, nënshkruan pakon pa e ditur se çka ka në të, duke u mjaftuar me faktin se kështu po e respektonin vullnetit e drejtuesve të partive të tyre: Hashim Thaçit (PDK), Isa Mustafës (LDK), Blerim Shalës (AAK) dhe Ibrahim Gashit (AKR). Kjo pako u dorëzua më 4 maj, dhe parimisht më 4 korrik pritej shpallja e opinionit të Kushtetueses.

Më gjerësisht sot në gazetën “Koha Ditore” 



 

Komente (7)Shpërndaje artikullin

• 22:53Përfundon pa marrëveshje takimi – vazhdimi të mërkurën
• 22:30Kundërshtojnë ndërrimin e trafos (Video)
• 22:28Blog i Tymoshenkos nga burgu
• 22:24Vulin rikthehet drejtor i Zyrës për Kosovën
• 22:21Rusia zihet me Azerbajxhan për votat e Eurovisionit
• 22:19Alzetta: Ekonomia në Kosovë është në gjendje jo të keqe
• 22:16Berisha takon shefen e ODIHR
• 22:14Ashton koleksionon fotografitë e Thaçit dhe Daçiqit
• 22:13Seedorf mund të emërohet trajner i Milanit
• 22:12Mustafa ngushëllon ambasadoren Jacobson